豪斯登堡的夜晚✨

豪登斯堡夜晚真係好靚✨ 全部都閃閃發光✨ 今次我最主要係睇「阿姆斯特丹廣場」中心既教堂，五顏六色既燈飾裡面，我最鍾意就係好似雪一樣既白燈，一堆集結起黎既白燈更有冬天既感覺，更有聖誕氣氛☃️ 雖然好可惜因為當日我總共去左4個景點不停影相拍片，手機電量到夜晚已經剩低好少，我唯有加快腳步盡量影低心目中覺得靚既地方。 豪登斯堡擁有全世界最大級既イルミネーション燈光show「光之王國」，已經連續十年獲日本全國燈飾第一名。豪斯登堡每個季節都開設唔同既主題，就算係疫情期間都依然舉行燈光show。我諗就係因為呢個獨特風格，現場見到好多成群結隊既家庭同學生，當晚我見到大約3班由學校老師帶隊既學生，當然不少得情侶啦，現場充滿浪漫氣氛👩🏻‍❤️‍💋‍👨🏻 好多人話「光之瀑布」好宏偉，但我覺得「光之摩天輪」隔離既紫色迷宮更閃耀更吸引，果個迷宮可以同朋友一齊入去玩，裡面有三個雙人千秋可以影相拍片，或者好似我咁行四方拱橋感受被紫色世界包圍住既華麗感。由紫色迷宮行過光之瀑布，就可以上拱橋望「光之運河」，但當晚可能時間點唔夾，睇唔到運河有燈飾，但靜靜既運河有一種浪漫嘅氣氛～ 之後行到「阿姆斯特丹廣場」，我被全部點綴白色燈泡嘅建築物驚艷到😳 好似一個華麗既歐洲，雖然當晚好凍，但我好似被迷倒咁不停影相，想拍到現場最靚既一面。特別係教堂，手機既相簿完全被佢洗版😂 可惜係我影完自拍之後，手機就熄機了🙉 都好彩起碼我有留倩影。 廣場周圍都係店舖可供買手信，當中見到最受學生歡迎就係「Tante Annie 安妮姨媽」Kaas Cake。睇外表似係芝士撻，但research過係蛋糕，如果有人同我一齊，我一定會買黎試🤤 自己一個食哂太邪惡了🫣 豪斯登堡既冬天主題係「白銀的世界」，由2022年12月26日至2023年2月24日，到時歐洲既街道都被染成銀色，務求令你有個白銀色既冬天。淨係教堂已經咁驚艷，唔知成個世界都係白銀色會係點呢？ 📍長崎豪登斯堡 🚌搭到JR豪登斯堡站，直行出去過橋，入拱門商店街左邊就係入口 開放時間：9am-9pm 詳情可到官網 我係klook買門票的，有分全日、3點後及5點後，而家仲有活動優惠 #豪斯登堡 #huistenbosch #ハウステンボス #日本 #燈飾 #illumination #xmas #japan #jp #matcha_jp #travel #solotravel #blogger #九州 #長崎 #夜 #旅行 #light #christmas #聖誕節 #night 交通攻略－ 當地名勝－ 酒店－ 飲食及餐廳－ 購物指南－