《Urban Cafe兆萬新店》

今日來到Urban Cafe的旺角新店食lunch順道探主子，一排無來，新店新裝修，不但又大又寬敞，而且裝修煥然一新，令人感覺好舒服。 坐低先來醫飽個肚，先有力氣同主子玩。 跟餐送牛油多士條、餐湯及飲品。我們補了差價點了2杯特飲。 Oreo脆脆特濃朱古力 面頭有滿滿的cream，加上脆脆，朱古力味夠濃，好好飲。 伯爵茶鮮奶 茶味夠濃，奶香又夠，而且唔甜，啱晒我。 青醬海皇意大利飯 大大隻海蝦和青口放左飯上，夠肥美。青醬完完全全融入了飯入面，好香好creamy。 紐西蘭肉眼扒 大大塊，價錢不過$128，真係好抵食。牛扒肉夠嫩，仲有炸得香脆的薯條，仍然保持一貫高水準。 食完野就同主子玩啦，呢度的貓貓都好温馴，又攤又坐又行，活得自在，每隻都肥肥白白好可愛！最鍾意坐係窗邊的椰青，自己靜靜望住窗外，好悠閒。 仲有糥米糍，椰子糖，得閒就會走過黎叫你摸佢pat pat，好痴人。恐龍、豆豉就訓到天昏地暗，真係各有特色，得閒上黎呢度放鬆下，同主子玩下，著實令人心情愉快。#香港餐廳 #食好西 #週末遊 #美食指南 #西餐 #放鬆 #美食之旅 #香港 #香港美食 #香港探店 #香港餐廳 #香港特色 #旺角美食 #旺角好去處 #cafe URBAN Cafe (兆萬中心) (旺角) 旺角西洋菜南街1號兆萬中心14樓