Urban Cafe ：貓貓雲集 美食多樣 打卡約會一流

本身都好鍾意貓貓，所以得閒就會去貓cafe ，有得食又有得玩。今次嚟到荔枝角嘅Urban Cafe, 一入門口已經發現場地好大，貓貓可以活動自如。 餐廳：URBAN Cafe (麗新商業中心) 地址：荔枝角長沙灣道680號麗新商業中心1樓 野食係用QR code 落單。主菜我叫左個原條 #鰻魚明太子意粉 ，朋友就叫左 #紐西蘭紅酒燴羊膝 。鰻魚超大條好冧，明太子意粉加咗牛油，牛油味超級香濃。羊膝好大份，貓cafe好少有。 我地仲叫左小食同飲品。小食叫咗 #黑松露芝士薯條 。一上菜就聞到好香嘅黑松露味，芝士食到底都仲有，份量好多，可以慢慢食。 飲品方面，我哋叫咗 #抹茶拿鐵 同 #Oreo脆脆朱古雲朵沙冰 。抹茶拿鐵抹茶味濃郁，朱古力沙冰極龍朱古力味上面仲有好厚嘅邪惡cream。 最後我哋叫咗甜品： #日式朱古力金川燒 。金川燒好似車輪餅。一碟有兩塊，內餡係吉士，旁邊配上oreo雪糕，吸引咗好多貓貓過嚟。不過記得千祈唔好俾貓貓食人類嘅食物。 呢度嘅食物選擇夠多，環境光猛闊落又乾淨，非常推介比所有愛貓之人。 #貓cafe #打卡Cafe #樓上Cafe #荔枝角美食 #荔枝角Cafe #甜品 #西餐 #約會餐廳 #聚會餐廳 #打卡 #香港美食 #相機食先 #新年好去處2024