🌟餐廳：泰謠

🌟餐廳：泰謠 📍地址：福田區中洲灣CFutureCity 3樓L315號 💰價位：～$100 - $200 ⏰營業時間：星期一至日 11:30 - 21:30 📱電話：13316958189 今時今日北上吃喝玩樂係港人Weekend指定節目，各國東南亞特色美食應有盡有，朋友仔就介紹我嚟呢一間風靡15年嘅高品質泰菜，今日同成班朋友齊齊去朝聖！ ——————————————————— 🔹小食 - 泰式炸蝦片 店員送上餐廳自家制泰式炸蝦片，炸至香口卜卜脆，味道零舍惹味！ 🔹青木瓜沙律 首先叫款泰式青木瓜沙律，酸酸辣辣，夠晒開胃，青木瓜入口爽脆，清甜又多汁，為等陣豐富嘅泰菜做足準備！ 🔹冬蔭功湯 呢款冬蔭功湯材料豐富，以燭台加熱保溫，保持新鮮滾熱辣！ 材料加入大頭蝦、魷魚、花甲、磨菇、蕃茄及各種泰式香料熬煮，入口微微酸辣，色香味俱全！ 特別推介大頭蝦，蝦膏夠晒澎湃，肉質爽彈，鮮甜味一流！ 🔹炭烤雙拼肉串 泰式串燒亦喺呢度招牌之一！ 雙拼肉串包括烤豬肉及雞肉，各有特色，豬肉串肉質緊致，味道濃郁；雞肉入口嫩滑，保持肉汁，串燒搭配埋自家調製醬汁及沙嗲醬，充滿泰式風情！ 🔹酸香腸 呢款泰式酸香腸係泰國馳名小食之一！ 豬肉加入香料經發酵後，天然酸味出眾，烤製後，豬肉嘅油香四溢，微微酸辣，搭配埋酸薑、洋蔥、生菜等配料一齊進食，層次感十足，值得一試！ 🔹檸香鱸魚 明爐檸香鱸魚，原條即制，鮮味十足！ 用上精美嘅燭台上菜，明爐煮製，熱辣辣香噴噴，鱸魚大大條夠晒肥美，肉質嫩滑又厚身，上層加入特調檸檬、辣椒、芫荽等香料，酸酸辣辣，食落夠晒過癮得黎，更能提升魚既鮮味！ 🔹滑蛋蔬菜 餐廳獨創菜式之一！ 下層鋪滿泰式馬拉盞炒豆苗，鹹香味十足，上層鋪滿嫩滑炒蛋，擺盤夠晒精緻，入口層次感十足！ 🔹泰式炒粉絲（雞肉） 泰式地道炒粉絲菜式！ 炒粉絲材料豐富份量十足，加入雞肉、蛋絲，蔬菜絲等材料炒製，鑊氣一流，伴碟仲加入泰式辣椒碎、砂糖、花生碎等配料，夠晒地道，食得好滿足！ 🔹椰汁糯米糕 擺盤優美，造型精緻，糯米飯口感軟腍，令人回味無窮，入口粒粒飽滿，搭配香甜嘅椰漿，夠晒經典地道！ 🔹泰式檸檬茶及泰式奶茶 餐廳特設泰式手搖飲品系列，主打各款泰式特飲，值得推介泰式檸檬茶，茶底特別清甜香醇，夠晒傳統！ ——————————————————— 👅整體小總結 「泰謠」主打泰東菜式，強勢進駐中國後，成為上海排隊王泰餐及霸榜上海必吃榜，質素夠晒保證！ 食物方面，除咗用料新鮮及充滿泰式風味之外，各款泰菜食物選擇眾多，性價比十足，餐具及菜式擺盤夠晒精緻，打卡一流！