有風味日本串燒店

呢間日本串燒店有好多款獨特嘅串燒選擇，每一款都帶有日本風味。 首先坐低就會有野菜條$30。清新爽口，有麵豉醬點。之後我哋揀咗好多串燒一齊食。 雞全翼$58。呢個串燒有雞翼經過特製嘅醬汁醃製，再經過炭火燒烤，外脆內嫩，味道鮮美。 免治雞肉棒$66。免治雞肉夠曬厚實，點生蛋食更厚實。雞尾（七里香）$38，經過特製嘅七里香醬汁醃製同炭火燒烤，味道香濃，肉質鮮嫩。 牛舌$68，夠曬爽口，好香！煙燻鹿兒島豬腩$138。豬腩肉肥肥地，然後燒到脆脆地，一層一層肉，帶有煙燻香味。 雞皮$28好邪惡，好好食好香脆！除咗以上嘅選擇，仲有雞蠔肉、雞胸軟骨、雞肩肉、日本銀杏同苦瓜等等，價錢由$28至$68不等，可以隨你嘅喜好揀選。 至於飲品，揀咗巨峰汽水同姜汽水，分別只係$30同$28。食住串燒慢慢飲！ 📍鳥鑫 尖沙咀厚福街12-12A號藍馬商業大廈21樓 #鳥鑫 #尖沙咀 #尖沙咀串燒店 #串燒 #日本菜 #foodporn #hkfoodie #hongkongfoodie