極高質 中價法國菜 火焰cocktail 食物 服務 環境俱佳

#100種旅行方式 地址－Enchanté 尖沙咀金巴利道40號MW Plaza地舖 環境／設施－半開放式大窗，好有法國路邊餐館feel。一入門口就見到一條打卡樓梯。餐廳仿白色山洞嘅設計，配上藍白色嘅花，座位舒適。 特色－高級餐廳先有嘅發光餐牌。七點前以人頭計飲品買一送一（即係兩位客人每人要飲兩杯），可以七點前先order，之後再慢慢上慢慢飲。特色cocktail大約$120一杯，最吸精嘅就係火焰cocktail，另外有一款係萬聖節限定嘅抹茶cocktail，可以自己攞支魔杖嚟點火，玩味十足。但亦唔只得個樣，cocktail每款都好飲。 前菜約$150，主菜約$250至$400。三文魚他他調味口感豐富，配上一小塊炸魚皮，畫龍點睛。牛骨髓份量就比較細。鴨胸藏紅花意大利飯，調味得宜，鴨胸粉嫩。餐廳另外亦有提供生蠔。餐廳其他煙燻菜式同南瓜車甜品都十分打卡able。 呢度嘅服務真係好貼心好有禮貌，半開放式嘅廚房，聽到主廚同樓面會按食客嘅進食進度煮菜同上菜，唔會一次過上哂，呢樣要去到好高級或酒店級嘅餐廳先做到。 人均價格－$460 評分－🌟🌟🌟🌟🌟/5 （近期食過最滿意嘅餐廳，推薦）