觀塘海濱嘆西餐，聽Live望海超晒班

餐廳：La Serre (觀塘) 地址：觀塘海濱道90號地下1號舖 成日喺觀塘海濱跑步經過都座無虛席嘅La Serre，之前嚟食過Tea，今次終於嚟食佢哋嘅晚餐🍽️，餐廳雲集各國料理🌍，例如日本一夜干、法國鴨胸、墨西哥薄餅等，款色應有盡有👏🏽，而大部份小食送酒都一流，難怪咁多人過嚟happy hour🍻 餐廳採用玻璃屋嘅設計，令店內採光度十足，黃昏更可以遠眺迷人嘅夕陽🌆。而為咗推崇寵物友善主義，餐廳設有戶外座位⛱️，喺週末指定時間帶埋毛孩嚟用餐更有8折優惠，仲送狗狗小食添🐶。每逢星期二、四同六晚亦會邀請唔同本地歌手過嚟busking，可以一路聽歌一路享受美食🎤 ✝️香腸拼盤 $88 見到幾檯都嗌咗香腸送啤酒，又好似幾正😎，雖然份量較少但有四款各有特色嘅香腸——辣肉腸口感紮實，一咬就爆出香辣嘅肉汁🌶️；芝士腸有獨特煙燻香，「芝」味十足🧀 ；兩款白色嘅雞肉腸，味道較淡但口感外脆內嫩滑🍗，其中一條帶有香草🌿，清新風味令層次昇華 ✝️軟殼蟹牛油果墨西哥薄餅 $178 大大隻嘅軟殼蟹即叫即炸，有兩份Taco各有一隻原隻軟殼蟹🦀，視覺效果滿分💯，金黃酥脆嘅炸粉有少少厚🤏，但中間嘅軟殼蟹確實肉多膏多夠豐腴，餅皮中間夾左切片嘅牛油果令整體口感更幼滑🥑，伴碟嘅蕃茄莎莎醬同柚子沙律帶嚟清新感，去油膩仲越食越開胃😙 ✝️蕃茄南瓜雜菌千層麵 $148 千層麵以多塊交疊嘅麵皮製成，喺義大利嘅傳統菜色之一🇮🇹，每層中間夾著雜菇同南瓜，營造出多重口感👅，酸甜嘅番茄醬同濃郁嘅芝士互相襯托，香而不膩嘅組合令人難以抗拒，素食都可以做到色香味俱全💚 ✝️Kiwi Lemonade $78 餐牌上有唔少無酒精Mocktail，啱哂唔飲酒嘅人🫢，呢杯用咗奇異果同檸檬汁調出甜中帶酸嘅味道🥝，配上梳打水嘅氣泡感更清爽可口🍾 ✝️Mocha $42 Mocha由濃縮咖啡、朱古力醬、同鮮奶混合而成☕️，入口先飲到甜蜜嘅朱古力香氣，再緊隨著醇香嘅回甘，配上綿密嘅奶泡令整體口感更滑順😋