悠悠閑歎靚Brunch

今日放假終於冇落雨👏🏻 同男友即興去行觀塘海濱同歎個靚Brunch。 經過 La Serre ，見好多人捧場，仲係寵物友善餐廳，室外好多好得意既🐶🐶，又望到海景，環境唔錯，餐牌食物都吸引，一於試下😬 放假食到好美味既食物，一整天都會好開心。All Day Breakfast 係歎Brunch 既首選😋 賣相相當吸引及豐富，包括新鮮嫩綠沙律菜、爆汁厚身甜番茄及大啡菇、咸香靚腸及煙肉、香滑黃金炒蛋、脆香三角薯餅。最喜出望外，居然有鴨胸。鴨胸肉味濃郁，軟嫩及鮮香！ Eggs Benedict 亦是最令我牽腸掛肚既假日brunch🤭 每樣食材組合起來，總是讓人涶涏三尺。 澄黃荷蘭醬與流心水波蛋完美融合，再加上咸香煙三文魚，提升口味。 不得不提Sourdough Bread，那種煙韌酥香，配上Mascarpone 🧀 cheese 及香滑牛油果🥑，實在無得輸。