【橫濱合味道杯麵博物館玩足大半日】Chicken Ramen Factory 體驗！預早訂票，一票難求！【東京旅遊】

今次🐣🐣🐣復活節長假期去咗東京 🗼& 東京近郊🌌賞櫻🌸！喺未去近郊睇櫻花🌸之前，我地第一站就係去橫濱🎡🎡！ 🫶🏻記得之前睇Trip Moments 偷思計劃橫濱行程嗰陣🥴🥴，發現有好多旅遊達人都推薦去「合味道杯麵博物館」🍜🍜，我就跟住Trip Moments 旅遊達人畀嘅tips 去玩喇！ 首先，10:00開門，門票可以即日現場買，但要早少少到，因為10:00門口已經排晒人人人人👭👭👭👭👭👭👭👭👭👭（入場券係可以喺Lawson 提早買）。 📢📢但係有一個體驗就真係一定要預早準備📢📢 就係Chicken Ramen Factory 🏭!!! 之前睇過 Trip Moments 介紹👽👽，呢個Factory係一個有人教你由零開始咁由搓麵粉到完成整好一包雞麵嘅體驗。🥳🥳仲要唔洗識日文都玩到🥳🥳！見完個介紹就好想試下🤪🤪🤪🤪！ 因為好老土⋯⋯要玩呢個嘅全世界都要經官網去reserve，而可以玩嘅人數每個section 得25人左右，所以要預早一頭半個月book，一票難求！🥸🥸 (P.S.1: 因應一票難求太搶手嘅關係，官方由2024年4月1日起 加推至每日8個sections同埋每個section增至50個人頭，但啱啱睇咗喺2024年6月1日前都fully booked，不過有時會突然有漏網之魚走出黎，大家加油𥄫實喇） (P.S.2: 我最後成功喺1/3 book咗27/3 嘅11點45分製作雞麵體驗入場券🎟️) ⏱️⏱️我地早上十點三先排到隊入大門口，買埋飛，之後再行埋館內其他設備（例如小朋友最鍾意嘅Cupnoodles Park 🛝 & My CupNoodles Factory)，就乖乖準時11:30在2樓 Chicken Ramen Factory 旁邊換領製作雞面門票🎟️（我地嗰場係由25號開始，我地攞到47 同 48號⋯⋯50號係最後一個人）。 因為過程要整麵粉、搓麵、淥麵同埋不准拍攝🚫📷，🥹🥹所以好大部份嘅製作過程都影唔到相🥹🥹，只有最後炸麵嗰部份影到～～ 最後佢會畀個包裝你喺個包裝上面畫自己獨一無二嘅雞🐥🐤🐔🐓面！好好玩！一定要試！🥰🥰🤪 至於My CupNoodles Factory (即係喺杯面上面畫畫🖍️🖍️嗰個），記得買門票嗰陣要同櫃檯姐姐講埋，佢會幫你搞埋個整理券（現場會有個大電視顯示當日各時段嘅餘數限額） 。 誠意推薦呢個活動，啱哂一家大細，可以玩足大半日！ #日韓春天好去處 #櫻花2024 #復活節長假