大人細路都鍾意嘅景點～趁好天氣去打卡一流～

#境外親子旅行 天氣預測其實都幾準確！一早計劃定依一日去風車村，因為戶外景點，天氣好點都係方便啲，同埋影相都靚啲，但係就會遊客比較多～ 今日已經係平日，但因為好天同埋暑假，所以都好多人！ 我地一早就出發，一出火車站就跟住其他人行嘅方向走就對了～ 沿途經過朱古力廠，四周圍完全佈滿咗朱古力嘅味道，好正呀！ 一路向住海邊大橋方向行就啱，未過橋就有一座大風車～ 依邊嘅建築物真係好靚～ 因為天氣好，周圍都好似明信片咁！淨係影相都有排影！ 之後周圍參觀，可以坐船、上風車上面睇風景、芝士廠、木鞋廠、有動物睇～ 街邊有鮮榨果汁同刨冰～ 攰就可以搵餐廳坐吓食吓野，順便去廁所，因為依度好多地方嘅廁所係要俾錢～ 除咗影相，依度仲有好多手信店，同埋特色小店～ 依度真係大人細路都啱玩嘅地方，輕輕鬆鬆咁又玩咗大半日～ #境外遊 #風車村