【 暢玩全球最大的海洋主題公園 】

【 暢玩全球最大的海洋主題公園 】 🚝Aidan的生日慶祝，加上提早放復活節假，我哋揀咗佢想去好耐的珠海長隆度假區玩。今次我哋會住長隆飛船酒店，再去長隆海洋王國+長隆宇宙飛船玩，再去長隆秀睇表演，2日1夜行程好豐富呀！今篇就主力介紹「長隆海洋王國」啦！ 🚌我哋經港珠澳大橋搭車去，一早出發，11點前就到達酒店，方便又快捷。先去長隆飛船酒店Check in放低行李，就即刻去「長隆海洋王國」玩喇！ 🐳長隆海洋王國真係好大，係全球最大的海洋主題公園，設有8大主題區，每個區都各有特色，因為我哋得一日時間遊園，所以我一早就睇定想玩嘅嘢，再制定行程，咁就唔使嘥時間搵路啦！ 🐋一入園就先去鯨鯊館，呢個時候遊客較少，會影到靚相。仲有鯨鯊館真係好震撼好驚喜！可以係巨型玻璃屏觀賞超大鯨鯊同成千上萬嘅魚喺面前游嚟游去，仲有4米長嘅魔鬼魚，好壯觀！ 🐬必看劇場有白鯨劇場和海豚劇場，白鯨真係好可愛，表情豐富。睇完就可以順序遊覽唔同展館，白鯨館、企鵝館、水母館、海象島等。 🪼下晝仲有海洋花車大巡遊，都好有氣氛架！兩兄弟係「英雄島」玩咗好多機動遊戲，迷你潛水艇、碰碰樂、企鵝過山車和海怪塔等，好開心。 🎆係海洋王國食dinner後，我哋就番酒店，係房間大露台睇「海洋幻彩煙花秀」，煙火效果震撼，真係好精彩！十個推介！ 🔮園區內仲有親子科普學堂和小小保育員，但我哋想去睇表演多啲，所以都無時間參與，希望下次有機會啦！ 💕Day 1 好完美，番上酒店後個個都勁快瞓着😂 第二日會去長隆宇宙飛船玩，必玩潛水艇和百慕大歷險。（下篇會詳細介紹長隆宇宙飛船好玩攻略） 🍄復活節就快到，大家都一齊嚟長隆珠海度假區玩番夠本啦！ #TripMoments #Trip體驗員 #珠海長隆度假區 #長隆宇宙飛船 #長隆海洋王國 #長隆飛船酒店 #chimelong_int #長隆馬戲 #長隆秀 #珠海 #度假區 #復活節 #親子好去處 #復活節好去處 #珠海好去處