#深圳火鍋

牛腩煲鍋底打邊爐🤩｜ 【深圳】牛百鮮瓦煲火鍋

今次黎到《牛百鮮》食坊間較少有的牛腩煲打邊爐。主打牛腩煲，一早已經炆煮好備用，腩汁湯底惹味、鮮味又有牛味😋，推介大家一試👍🏽。 餐廳招牌同環境都以橙🧡同黑🖤色做主題，店舖唔太大，坐位以小枱為主，2-6人去食就最啱。我哋星期日6點去到，咁啱有位唔洗排隊。 餐廳設有自助醬料區，提供蔥、蒜🧄、辣椒🌶️、醬油等調味，本身湯底都惹味。臨尾會送上西瓜🍉俾大家解肥膩。除左火鍋，餐廳亦提供前菜、熱食、炒飯、炒粉絲等菜式，飲品有手打檸檬茶🍋、啤酒🍻、汽水等等。 ✨招牌香辣牛腩煲 $138 微微香辣易接受，怕辣可以揀原味～原個瓦煲熱辣辣送上，牛腩炆得好入味好淋，加左蘿白、豆腐、大蔥一齊煮，微辣香氣好惹味🤤，幾有驚喜，食完牛腩煲就加湯打邊爐～ ✨重慶三脆 係食辣火鍋必備的配菜，滾9-15秒就食得，拼盤包左毛肚片、鴨腸、牛柏葉絲，非常爽脆，亦都唔會好韌咬唔斷👍🏽。 ✨牛肉（新鮮黃牛肉｜藤椒鮮牛肉｜鮮牛小排） $29-33 有鮮牛肉味，唔會好韌，推介食鮮牛小排，筋肉平均，口感最好。 ✨潮汕牛肉丸 $23 牛丸一份6粒，加入牛筋打製，幾爽彈又有牛肉香氣 ✨酸菜牛肉炒飯 以酸菜、牛肉、洋蔥、蛋炒飯，非常有鑊氣，以瓦煲送上好香好惹味😋，推介必點！ ✨配菜（爽滑鴨血｜鹵肥腸｜炸腐皮片） 鴨血好滑，切得薄，好吸湯 鹵肥腸洗得乾淨，唔太肥 炸腐皮放得有氣勢，好吸湯，食落偏甜 ✨前菜（爽脆拍黃瓜🥒$19｜蘿白皮 $9） 微微酸辣，好爽脆，開胃同解肥膩首選 ❣️餐廳好貼心，寫左每樣材料的建議烹煮時間⏰，唔洗擔心唔知煮幾耐。 📍牛百鮮牛腩煲火鍋🍲 店舖地址：深圳天利中央商務廣場2樓（近海岸城） 美食推介：招牌香辣牛腩煲｜潮汕牛肉丸｜酸菜牛肉炒飯｜鮮牛小排肉 人均消費：～RMB $100 美味指數：😋😋😋😋😋 #大灣區景點 #海岸城美食 #深圳海岸城 #深圳美食 #深圳好去處 #深圳好吃 #深圳火鍋 #牛百鮮牛腩煲火鍋