香港酒店三大主題房
港島海逸君綽酒店 x Miffy主題住宿
超可愛嘅 MIFFY 首個酒店 Staycation 都登場喇！今次係港島海逸君綽酒店，由酒店大堂到房間都係 MIFFY 嘅身影，每次入住都送主題禮品包，入面有 Miffy 主題手提袋一個、拖鞋兩對、毛絨公仔 (16cm 高) 一隻，仲有摟摟花束DIY制作套裝一包，12 月 5 日 晚上 9 點開賣，12 月 16 日入住，聖誕、除夕、新年都訂到！
酒店主題房間內有好多 Miffy 嘅設計造型，包有 Miffy 造型壁畫、咕臣、 床尾布、杯墊、門卡等。浴室玻璃、鏡面等亦貼滿 Miffy 嘅造型貼紙。二人房價 HK$2,316（已連服務費）起入住豪華海景客房，包雙人早餐、主題下午茶及主題禮品包。下午茶食物方面有加拿大海膽及龍蝦配西班牙辣肉腸汁、藍莓啫喱及魚子醬、澳洲韃靼牛肉配松露及紅桑子珍珠撻、法式鴨肝配松露士多啤梨芥末醬多士、燕窩雜莓白酒啫喱、經典法式栗子蛋糕及紅桑子馬卡龍等等，仲會送 Miffy 隨身噴霧瓶添！
預訂日期 : 2022 年 12 月 5 日 晚上 9 點
適用入住日期： 2022 年 12 月 16 日起
尖沙咀凱悅酒店X小丸子主題住宿
尖沙咀凱悅酒店早前推出咗櫻挑小丸子主題住宿，所有小丸子一家 staycation Package 都會包自助早餐同埋會送贈櫻桃小丸子主題禮品包（送完即止）、 K11 藝術館購物禮卷及 K Dollars。客人可以選擇包自助午餐、下午茶或自助晚餐，房價只需 HK$1,684 起。小丸子 Staycation 有四種主題房選擇，包括有埃及、法國、希臘同澳洲主題（不同主題房價不一樣，埃及主題最平，希臘主題房最貴），二人房價 HK$1,684（已連服務費）起入住 1 晚埃及主題標準客房，包雙人自助早餐； HK$2,026（已連服務費）起入住一晚埃及主題標準客房住宿，包櫻桃小丸子主題雙人下午茶、雙人自助早餐；二人房價 HK$2,168（已連服務費）起入住櫻桃小丸子主題指定房型一晚，包自助午餐、自助早餐；二人房價 HK$2,586（已連服務費）起包小丸子主題雙人自助晚餐、自助早餐；最後想單獨加購櫻桃小丸子主題雙人下午茶套餐， HK$693（已連服務費）起。主題房由 2022 年 11 月 15 日至 2023 年 2 月 14 日供應，橫跨聖誕、除夕、情人節，留低難忘回憶又可以用埋K11嘅禮卷送禮物俾人啦！
預訂日期 : 2022 年 10 月 31 日 21:00 至 2023 年 2 月 14 日 23:59
適用入住日期：2022 年 11 月 15 日至 2023 年 2 月 14 日 (節日房價或有變動，請向酒店查詢)
朗廷酒店 x 梵高主題住宿
朗廷酒店嘅「梵高星夜主題住宿」再度回歸喇！酒店推出 3大主題房住宿優惠，二人房價 HK$1,425（已連服務費）起入住梵高星夜主題內園景高級客房連精美梵高主題禮品套裝，仲包埋翌日於 The Food Gallery 享雙人自助早餐；另一個主題房「梵高鳶尾花主題住宿」二人房價 HK$1,625（已連服務貴）起。如果 budget 多啲，房價 HK$2,880（已連服務費）起即可入住向日葵主題行政客房連精美梵高主題禮品套裝，另外每房更可獲贈 機械鑽石腕錶，入住期間更可享朗廷會禮遇，包括早餐、精選下午茶美點、黃昏雞尾酒和開胃小吃及全日供應醇釀美酒及精選飲品。
另外亦可加 HK$798（已連服務費）起購梵高主題特色雙人下午茶，下午茶的碗碟以星夜設計，十分有心思。靈感取自於梵高的飲食喜好：芒果綠茶蛋糕代表畫作內的月亮，以朱古力畫板作面頭裝飾、藍莓芝士星夜慕絲以藍色和白色作底色，再加上閃粉營造星空感覺、朱古力奶油杯以梵高喜好苦艾酒加上朱古力奶油、馬鈴薯冬甩呼應「吃馬玲薯的人」 ，是梵高最滿意作品之一，因此將馬玲薯入饌。
預訂日期：即日起
適用入住日期：2022 年 12 月 1 日至 2023 年 2 月 28 日
#聖誕好去處2022 #世界盃2022 #香港好去處 #親子好去處 #foodie