https://hk.trip.com/moments/poi-ibis-hong-kong-central-and-sheung-wan-hotel-21154056

App

HKD

搜尋訂單

【2024香港酒店】宜必思香港中上環酒店旅遊攻略（於9月更新）

好食又多款式既自助早餐

第一次試IBIS上環酒店入面既自助早餐，餐廳係6樓嘅「Taste」！地方唔算好大，座位可以自己挑選。都有好多卡位同大檯！餐廳兩邊都有窗可以一邊食一邊望街景！自助早餐食物既款式都幾齊。首先麵包區有自助多士，有朱古力鬆餅同埋牛角包。熟食區有腸仔，炒蛋，煙肉，薯餅，炸雞塊，蕃茄同菜，仲有炒烏冬。另一個區域有粟米粥同埋熱湯，另外有生果同埋乳酪。有兩部不同口味嘅咖啡機，熱茶檸檬同一啲基本凍飲都有，麻雀雖小五臟俱全，係令人滿意既自助早餐！ #本地酒店 #本地遊 #香港美食

墨綠色的泰國榴槤

性價比高商務海景酒店

早排留意到IBIS上環酒店做緊買一送一，一晚價錢就可以連續住兩晚海景房，仲包埋自助早餐，而且仲可以延遲到兩點先退房，真係非常優惠！呢間酒店雖然唔係好高級，但夠晒整齊乾淨，而且個海景好靚，雖然中間有座大廈阻擋咗少少，但整體都睇到好清楚同開揚既對岸景色！窗邊有一張長枱，好實用同方便，食住野都可以睇風景！今次包咗mini bar，有薯片汽水！電視除咗免費台，仲有少少Now既電影台。浴室只係提供牙刷，其他用品就要自備啦！ #本地遊 #本地酒店

墨綠色的泰國榴槤

o(^▽^)o又可以late check啦～

酒店名：宜必思香港中上環酒店地址：上環德輔道西28號價錢：$704 (Klook) 入住時間：Thu1600 - Fri1600 (24小時入住package) 按金：❌無收過任何按金交通：上環mtr B2出口，行ard 10-15分鐘 🦧🐯放假的日子想訓到世界盡頭，見到呢間可以late check到4點實在太爽啦，然後個package可以upgrade到海景房仲包埋晚餐同早餐🤩，抱住試伏既心態梗係試試佢啦🥰 地理位置：隔離街有間7仔，沿著大街行會有間大少少既惠康，附近無咩宵夜選擇。第二日check out 想去港島區行街，樓下就可以搭叮叮啦～ View：有海景但係前面有座大廈遮左一半，所以無feel。同埋無人會係張枱面前睇海景的吧，如果張床係窗邊的話可能會好好多的吧～設備：只能講與價錢相符，package附送mini bar (3包薯片，4罐飲品） *套餐包括的餐點：晚餐可以選擇既唔多，諗住最好食既應該係牛扒，但真心講句一般般，唔好預期太多，畢竟係套餐包埋既；早餐既話，理解唔到點解腸仔都可以唔好食，好彩都有個橙汁同yogurt救下我條命，但算啦話俾自己知係套餐包埋的...好彩我去呢間酒店既重點唔係俾佢d餐點😂😂😂 冷氣：✔️溫度有d難控制雪櫃：✔️凍既凍既凍既，終於有雪櫃凍喇。好開心呀食用冰：✔️但無冰桶，要自備膠袋落餐廳去問staff拎先有．廁所淋浴間：都夠大既，企兩個隻🦧🐯 花灑力度：✔️ 浴缸：❌ 浴袍：❌建議自備睡衣剃鬚刀：❌ -但只有二合一洗髮沐浴露，無提供護髮素評分TIME (五粒🦧🐯為滿分) 環境：🦧🦧🦧🐯🐯🐯 Chill：🦧🦧🐯🐯🐯 舒適度：🦧🦧🐯🐯🐯 設備：🦧🦧🐯🐯 價錢：🦧🦧🦧🦧🐯🐯🐯🐯 回頭率：🌑🌒 **(此回頭率評分針對當日入住的房間)

酒後少女

✨生日🎂Staycation~ibis宜必思🏨

閨蜜生日staycation我地揀ibis海景客房酒店lobby系5樓，職員非常有禮貌🤵 check in10分鐘就ok啵👍唔駛比按金安排最高32樓層，客房裝飾簡約，整體乾淨🧹 採光很好，飽覽維多利亞港景色👍 對面天際100,西九M十,海港城入夜海景靚到冇得頂👍👍👍 基本供給應有都會有，洗漱用品就簡約咗d囉😅 酒店樓下是著名海味街，附近食肆也多🍴 再步行遠d啵🚶藝里坊壁畫影相打卡好去處📸 今次staycation朋友好滿意👍回頭率好高喔🤓 位置📍香港中上環德輔道西28號環境🌹🌹🌹🌹🌹 服務🤵🤵🤵🤵 性價比💰💰💰💰 特色:飽覽維多利亞港，尖東海岸👍 #12月vlog #staycationhk #假日好去處 #宜必思 ibis

Ann chau

買一晚送一晚超抵住宜必思中上環酒店，一定要試！

今次第一次入住，咁o岩見到有優惠訂左買一晚送一晚，價錢約六百蚊，人均約三百，仲包埋兩日自助早餐同仲送minibar三包細薯片，四罐汽水，四枝水，價錢真係超抵超抵。而房間都乾淨企理，設備齊全，位置方便，樓下已經有酒樓同好多餐廳，超方便。自助早餐選擇都多，食完真係飽足成日，若再有優惠一定會再入住，今次整體都好滿意。

NANAKO LEE

房間乾淨明亮一般大小

今次選擇了宅度假方案住2晚,其中看到介紹房間相片是望大海景,到check in時候被告知只有2張單人床房間,我訂房選大床的, 沒辦法只好要求第二日轉大床房,房費包2人早餐,沒想到還送2人晚飯每晚,真的意想不到,剛好訂房是過生日的;房間簡單又不大但可以,房間也很乾淨, 第一晚住的房海景有但不是看到很大海景,涼涼房雖然是較小,但可接受, 另外房間冷氣太冷,即使已調整了溫度,但房間的溫度沒有去到預期; 當晚跟朋友在5/F餐廳晚飯,前菜點了沙律, 在食了一半發現有像蚯蚓般的蟲在蠕動, 實在太嘔心吧!牛扒要5成熟,但跟本是9成熟;第二日轉房也有跟前台講希望可以安排更高樓層及看到更大海景房間,謝謝前台都有安排得到, 枕頭太高睡得不太好,酒店提供清潔用品是3合1的, 用後感覺一般。早餐有中式西式歐式選擇, 晚餐也有幾款選擇

EmilWai

1000內包mini bar ,晚餐套餐同自助早餐海景房

地址－香港德輔道西 28 號距離地鐵站（上環）630米，步行約9分鐘環境／設施－餐廳，健身設施，酒吧，前台特色－有迷你小食吧。海景房😂😂 人均價格－509 評分－4 見網上好多都話此酒店價格同服務質素性能比都合理既。。不用按金。Check in 快。。房間設計好善用空間。。Mini bar 有4罐飲品，3包細薯片。。正丫。。但淋浴空間比較窄。體形比較闊既客人可能會較難轉身。牆身插頭無usb頭。。床褥終於係硬少少既。。訓得好舒服。。晚餐是套餐，龍利柳配燒什菜忌廉汁。。超好食。。另外再叫左個pizza同三文治餐。。外賣到房間食。。7折後既價同外面坊間價差5多。。到早餐。。雖然自助。但款式5多。。無沙律無湯。。有特快退房。。下次會再黎多次。如果廁所啊係沖5到水。。等了成個鐘先有人整。整體服務係好好既。。 #staycation

叮叮22

住足24小時包早晚餐同零食迷你吧

宜必思香港中上環📍 No 28 Des Voeux Rd W, Sheung Wan 地點方便度：4/5（上環C出口，一出路面左手邊直行步行約五分鐘）清潔與衛生：4/5 服務：4/5 划算度：4/5 Check in: 星期六房型：Harbour view room 🏙 價錢：HKD 1118 ❤️「消費券抵DEAL」包以下項目： -免費升級海景客房🌅 – 雙人自助早餐（可於餐廳TASTE內享用） – 雙人晚餐套餐（可於LE BAR/房內享用） – 24小時住宿（最遲退房時間為下午三點） – 免費房內迎賓迷你吧（每次入住享用一次） ——————————————————————————— 酒店位於西港城附近，一落樓下就有電車，另外距離上環及西營盤站都近，可以步行到大館、PMQ等文青地打卡📸️ 可步行到港澳碼頭⛵️。這間是禁煙🚭酒店🏨、提供 550 間客房，設有保險箱和免費樽裝水。房內裝有LCD 電視。房內的雪櫃及咖啡機/沖茶器。浴室設有淋浴設備、拖鞋、免費浴室用品及風筒。樓高32層，客房集中於8-32樓🏨 5樓是Reception area 同西餐廳🍴LE BAR 既位置。酒店機能性方便，附近有7-11，皇后街熟食中心等等，食肆總有一間在左近。 ——————————————————————————— Check in 流程： -需填寫健康申報表 -不需收按金 ——————————————————————————— 優點： 1. 空間感十足，樓底高，大玻璃窗🪟飽覽維港景色 🌃沒有壓迫感 2. 快速WIFI 流量高，可能係商務中心區域🖥 3. 浴室廁所乾濕分離，麻雀雖小五臟俱全 4. 餐廳🍴食物質素吾錯，仲有room service，對住整維港景嘆住熱辣辣晚餐☺️ 5. 樓下有Starbucks 同西餐餐廳🍴，晚上餓都吾怕 6. 保證24 小時住宿，例如下午1500辦理入住，翌日下午1500辦理退房😍HEA到世界末日🤣 7. 房內迎賓迷你吧有數包卡樂B薯片同幾罐汽水🥤，同茶，做飯前零食不錯👌😌任君選擇 8. 配合支持環保♻️「21世紀地球🌍」概念，提供三合一淋浴露+洗頭水+護髮素，減少浪費缺點： 1. 房內得三腳插位，需自備三腳插頭，建議可以安裝USB插頭🔌與時並進，床頭兩邊都應該有充電🔋位咁先方便 2. 房內拖鞋紙咁薄，著著下甩線🩴 3. 需自備護髮素，因為三合一質素麻麻。另外，只會提供一次性牙刷🪥同一舊番梘🧼 ，其他洗漱用品要問房務要求 4. 自助早餐食物款式不多，味道一般，三星級酒店質素。 5. 風筒馬力不夠，風力太弱，吹好耐先乾總結：包兩餐有無敵海景睇真係抵玩💕🏙 地理位置吾錯靠近打卡熱點港島遊不錯 #上環#上環宜必思酒店🏨#lebar#harbourviewroom#消費卷2022#24小時住宿#抵玩#性價比高#klook#抵deal

Sandra Fung

住一晚送一晚宜必思中上環酒店

地址－宜必思香港中上環酒店環境／設施－特色－人均價格－$483 評分－3/5 最近酒店價格飆升💸 好好彩咁岩Trip.com 做緊住一晚送一晚優惠 $832兩晚城景房仲要包埋每日自助早餐🍽 再用埋trip coin 減多三百幾蚊 $483兩晚週末入住去邊到搵？上環宜必思酒店之前都住過一次都知道房間裝修比較平實單調雖然簡簡單單但住得幾舒服雖然係城景房但都睇到少少海景嫁始終宜必思走廉價酒店路線房間提供既日用品比較簡單只得兩枝牙刷🪥 今次入住包左首晚mini bar 反而又好大方有三包薯片四罐野飲🍹豐富過唔少四五星酒店既免費mini bar 介紹埋個自助早餐🍽啦早餐時間6:30-11:00無限時可以慢慢嘆雖然食物款式唔多但應該有既都有🥓🥐🥚 #staycation #抵玩酒店而且幾好味以三星級酒店來講甚至可以話係幾豐富我食完個自助早餐都飽足成日呀呢排酒店好貴呀希望黎緊trip.com再搞呢的買一送一優惠啦如果有得揀宜必思中上環酒店一定揀番呢到

最愛Staycation

超高性價比之酒店選擇－宜必思香港中上環酒店

超高性價比之酒店選擇－宜必思香港中上環酒店 ~位置~ 位於上環站及西營盤站中間位置，由地鐵站步行前往需要約10~15分鐘，交通算方便。 ~環境／設施~ 位處商業和住宅區域，車輛流量不大，地點比較清靜。酒店地下及 6 樓設有餐廳，附近街上亦有其他食肆，要用餐亦有各式的選擇。 6 樓餐廳就疫情期間有提供外賣晚餐，價格低至 $68，CP 值很高。酒店早餐為自助形式，食物選擇也很豐富，連續兩天早餐也有安排部份不同食物。 ~特色~ 酒店大堂於5樓，房間於8樓至32樓，周邊有商業大廈及住宅大樓，房間都以市區樓景為主，只一邊高層有向海房間，預訂時可留意提出要求。房間裝飾簡單清新，整齊清潔，而且地方寬敞，市區酒店有這樣的空間感覺實在難得。但對之下相比之下，電視機在這大空間比例下對照得比較細。 ~價格~ 是次入住為8月中 trip.com 提供的買一送一優惠，訂了平日 weekday 2晚房價為 $777，包括兩日2人早餐及房間迎賓 minibar 零食(3包細薯片)及罐裝飲品(4罐)，人均每日$200實是超值。 ~評分~ 服務：4.5/5分入住期間正值平日日子，人流不太多， Check in 也不用等太久，員工有禮服務不錯。設施：4.5/5分裝修簡約，清潔整齊，房間大，舒適寬敞。價格：5/5分 $777包2晚房價連2人早餐，買一送一優惠太超值。 #staycation #本地遊 #抵玩酒店

RCWK

$600一晚包早晚餐及mini bar

$600有一晚海景特色房，仲包自選早餐及晚餐，最驚喜係mini bar除非一般茶包同即沖咖啡外，仲有2罐汽水2罐無糖茶加3包卡樂B薯片，抵👍🏼👍🏼👍🏼 #staycation#抵玩酒店 #性價比酒店 #炎夏好去處#平價酒店

WaterBe

高質平民staycation

其實都有好多人介紹過位於中上環嘅宜必思酒店！其實真係冇得輸，我之前係Chan做緊特價嘅時候，用$599嘅價錢訂購左一個可以免費升級海景客房或者勝景公寓房，加晚餐套餐和自在早餐，二十四小時入住嘅package ！真心覺得高質，雖然位置唔算超級勁方便，但亦都唔會話好難去到！首先，高質嘅位在於職員嘅服務，好多五星級酒店或者奢華酒店嘅職員服務其實都係好一般，甚至要受氣！可能有太多麻煩客人，所以人多五星級酒店嘅員工都好慘！不過呢一間酒店嘅員工又check-in到早餐每一個人都好好禮貌，我話因為價錢平，所以就將貨就價！好多人都會用呢個package去升級做海景房，不過我就冇。首先因為喺網上見到有一啲評價表示有啲海景房其實會比一啲綠色或者紅色嘅遮光只遮住，即係話無論佢點樣望出去，個景都係有filter嘅！所以其實聯想到呢一個位，都幾唔舒服！所以轉戰左勝景公寓房，因為房間面積會大！不出我所料，除咗房間大啲之餘，景觀都好開陽，因為個玻璃窗好大，甚至應該用落地大玻璃，房間空間感好足，可以加多一張床！晚市套餐方面，可以入內進食，亦可以攞外賣返上房食，當天下午食得好飽，所以選擇咗攞外賣，選擇左雜菌海鮮意粉同埋龍利樓。自己覺得個魚比較鹹，冇咁好食！而意粉係喜出望外嘅好食，仲有兩碗餐湯都係熱辣辣！本身攞外賣，要預早填紙仔預計自己幾點鐘攞外賣，自己就寫在想飲熱咖啡，不過落去攞嘅時候突然又想飲凍咖啡，所以就問可唔可以比一杯冰，因為唔想浪費，但餐廳職員好好就話唔緊要我再幫你整個一杯！全程都冇黑口黑面等等嘅情況！因為係自己嘅問題，唔想麻煩到人，但係職員都和藹可親同埋好好！第二朝嘅早餐，係自助形式，食物選擇唔算話好多，但係食物都乾淨新鮮，職員會不時refill食物，見過有啲五星級酒店，個盤空晒都冇人加番啲食物落去，反而呢度唔會而且會不時清潔！所以感覺非常之好！食完早餐之後，喺附近再行一陣，三點先返嚟check啊！ #本地遊 #香港好去處 #foodie #綠色旅遊 #staycation #staycation #炎夏好去處 #駐站作家 #抵玩酒店

Bulubuluchululu

賞你住 $200 staycation 一泊兩食

地址－宜必思香港中上環酒店環境／設施－特色－人均價格－$200 評分－4/5 宜必思香港中上環酒店staycation 出名抵玩今次我就好好彩搶到賞你住 $208就玩到呢個package 包一晚城景房🛏 雙人晚餐🍽 有免費min bar🥂 咁多野真係超抵👍🏻 先介紹下間房今次獲安排轉角房望到少少海景雖然房間裝修比較簡潔平實不過乾淨整潔最緊要住得舒適😌 min bar 都包唔少野三包薯片兩罐汽水兩罐茶淨係呢到都值廿蚊啦😂 二人晚餐份量真係少左的不過今次我享受me time 一個人來玩一個人食晒兩份餐先至夠飽😂 之前上網睇見有得揀牛扒🥩 不過我去果時已經轉左餐單變左豬扒個豬扒都煎得幾香好好食😋 另外叫果個牛腩飯一樣唔錯👍🏻 食飽上房睇多陣電視再嘆包薯片就睡覺💤 第二朝早餐我就點左一份中式一份西式同晚餐比早餐份量足好多今次來玩當用$200食4個餐都抵呀其實佢原價$700都已經好抵玩圍番每人$350 平平地又唔洗太破費去玩下都唔錯#抵玩酒店

最愛Staycation

不過不失的三星級酒店自助早餐😊

地址－宜必思香港中上環酒店環境／設施－餐廳特色－staycation包自助早餐評分－4/5 雖然係三星級酒店，staycation package包埋自助早餐，本身期望都唔算好高，實際比想像更加好。第一，環境寬敞舒適，因為冇乜人，食早餐嘅時候可以隨便揀位，時間亦都冇限制，坐好耐都得。第二，員工態度親切有禮第三，食物款式以三星級來說非常合理，有中式嘅粥、炒瀨粉、牛肉燒賣、春卷。西式有煙肉、火腿、雞蛋、番茄、雜菇、薯餅、牛角酥同麵包，仲有乳酪同埋生果。飲品方面有橙汁、蘋果汁、鮮奶、水、咖啡、茶。食物不是非常好食，但可接受。整體來說，評分都高，下次可以再來。 #消費券攻略 #foodie #staycation

Ysanne Kuo

🤗估計係全香港最平有海景嘅酒店🤗

之前喺Trip Mega Sales見到佢做緊買一送一優惠，仲要係一晚只係212元，包自助早餐，咁抵，去邊搵？雖然要返工，但都忍唔住要訂返兩晚住下。扣埋Trip coins,兩晚總共只需375元😍👍👍👍👍👍 ✅價錢超級抵。 ✅包自助早餐，三星酒店來說，食物款式足夠，味道可以，無咩人，可以任坐。 ✅上環超多食店，外出搵食無難度。 ✅海景雖然比啲高樓阻擋視線，但仍然見到好靚嘅景色。 ✅房間冷氣大，入房有清香 ✅雖然房間不是十分大，但乾淨企理。 ✅酒店無泳池，但行去中山公園游泳池只需8分鐘，好方便。 ✅水壓夠，沖涼舒適 ✅員工服務態度良好，有禮。 ✅環保酒店 ✅住兩晚有員工幫手執房。 ✅有免費零食❤️😋 ✅兩點可以check-in ❎一入房間的廁所未沖好水，有點扣分 ❎毛巾入面夾住條長頭髮 ❎洗澡液和洗頭水是一枝 ❎唔近地鐵站 #消費券攻略 #本地遊 #staycation

Ysanne Kuo

一宜再再宜三的staycation

又再一次入住中上環宜必思酒店,簡直百住不厭, 性價比高, 包早晚兩餐,平均每人$270, 更加有延遲退房到3pm, 晚餐可以外帶在房內進食, package包upgrade海景房, 不用收按金,check in 時間在15分鐘內完成, 令人有一住再住的意欲!

gracebird

CP 值高到暈既海景酒店

地點 : 宜必思香港中上環酒店交通 : MTR 上環站港澳碼頭出口或西港城出口行十分鐘就到。特點：酒店套餐包括了海景大床房 , 零食 mini bar, 早晚餐。真係一個價錢滿足您三個願望🥰🥰 #消費券攻略 #香港好去處 #staycation #抵玩酒店

L337

上環超值海景房$499包哂早晚餐🥣🥩

📍上環Ibis 見到ibis係trip.com有特價，令我不禁諗起幾個月前去住嘅美好回憶😚個陣做特價$499包海景房+零食+早餐+晚餐，咁抵唔住都對唔住自己🤣 今次trip.com仲抵，搶到$4XX包兩晚，除咗冇晚餐其他都一樣，所以我係必定有搶🤪 酒店離上環地鐵站唔遠，但都近西營盤站😂附近好多設施，有嘢食又有海濱公園，真係唔愁冇嘢玩😙 一入房雖然細咗啲，但係麻雀雖小，五臟俱全，最重要係個海景，靚到喊出嚟，好彩玻璃夠乾淨睇得好清🤩所以今次$3XX有城景房，我都照加錢買海景，更何況$100左右有海景睇超值啦🥹不過有樣好笑係個陣wfh，我帶電腦工作係覺得好曬同好熱，有啲想搽防曬😂 晚餐就差啲，食物普通放得落口，$499仲包晚餐唔駛有太大期望😆只係個陣人手唔係好夠，成個餐廳得1個人落單做水吧傳菜，勁到呢😳不過咁梗係唔夠啦，最後廚師都出樓面幫手👨‍🍳雖然忙，但係佢哋態度好好👍🏻個陣早餐仲放上房，好方便🤭 人均價格 $499/2pp 評分－回頭草指數（🍀🍀🍀🍀🍀滿分）食物：🍀🍀🍀🍀 環境：🍀🍀🍀🍀🍀🍀🍀🍀🍀（以呢個價仲唔係爆燈😆）服務：🍀🍀🍀🍀🍀 想知多啲吃喝玩樂資訊就快啲follow我ig!!! IG: sik6me1hou3 #hkfoodie #吃喝玩樂 #原相直出 #上環美食 #朋友聚餐 #打卡 #性價比酒店 #本地遊 #海景酒店 #上環好去處

sik6me1hou3

上環｜$599 入住海景房🤩

今次的package 很豐富 $599 的價錢包自助早餐晚餐及迷你小食吧還有24小時的住宿及升級海景房這個價錢絕對值得體驗一下👍🏼👍🏼 酒店位置不近地鐵站離最近的上環站步行可能需要15分鐘附近都有巴士到達但不算多出發前最好搜索一下宜必思雖然只有3星⭐️ 但設備齊全整體感覺很好房間簡單而整潔酒店響應環保所以只提供基本的清潔用品浴室只有牙刷及牙膏沐浴及洗髮水是二合一還有拖鞋提供留意房內沒有提供USB充電位要記得帶插頭充電 🍽晚餐可選擇在餐廳或在房內用如果想在房內用餐就要自己去餐廳自取登記入住時職員會提供一張餐單揀選時間及餐點交給同層的餐廳就可晚餐味道還可以 🍽自助早餐由6:30-10:30am 時間充足食物種類不算太多中式西式都有少量有粥炒麵炒蛋腸仔等等的基本款最值得絕對是海景房的景色當天陽光普照可以清晰望著船隻航行還有晚霞及夜景的美景推薦！ #性價比酒店 #staycation #抵玩酒店 #上環宜必思酒店

Ch_hO

竟然～屋企冷氣機壞了～熱到爆炸～搞到幾日要住酒店～變咗staycation

其實我都冇諗過要住酒店🏨不過實在太悶吖～再加上 covid ～根本D一年半都冇去過旅行～只在香港食食食食食變咗隻肥豬豬🐷～咁啱得咁《橋》~屋企個冷氣機壞埋添~熱到呢🥵🥵🥵🥵～仲要琴日係34到以上～簡直熱🥵🥵到人都癲～咁啱呢幾日酒店仲係平平哋～不如就呢幾日去酒店～被下消暑的感覺😱 #d間ibis 酒店🏨都已經住過兩三次❤️唔錯㗎～正正正👍🏻👍🏻👍🏻～入到嚟感覺環境都唔錯仲有兩支水同埋薯片送～至少個冷氣夠晒凍🥶🥶🥶哈哈🤭🤭～～設施旁邊就有地鐵站🚉巴士🚌仲有電車～坐去邊都得～簡直去邊#方便～～因為屋企唔會有呢個感覺成個人cool晒！🤗#三星級酒店加上仲有少量嘅#海景值回票價啦！我間房都係442屋企邊度有得睇#海景！兩個人住都係200零蚊姐～都幾#抵㗎～🤩🤭雖然喺尾房但都唔緊要啦！至少有個冷氣係俾我嘆吓！~都係一間#性價比高酒店~ #海景#性價比超好酒店 🏨#香港酒店#3🌟酒店 #本地遊 #性價比高的酒店

JS Leung

6佰幾蚊上環區酒店

#性價比酒店因為星期六入住所以貴啲有朋友4佰幾5佰已經有。房有海景（我住就有大廈遮咗少少）包埋晚餐和早餐仲想點（可以揀送上房或餐廳内食）如果餐廳内食坐位有限要訂位。想散吓心出走一下都係一個超平選擇。附近可以去下出名蓮香居食飯飲茶🫖，之後再坐電車遊車河，又或者向西環方向遊覽！

Irisyau

性價比高的海景酒店

第一次入住，一直聽聞海景房好好，今次入住既海景房雖然有大廈阻了少少景觀，但仍看到大半個海景，可以斜望見到M+，西九同icc，算唔錯！房間都夠大又乾淨，花曬熱水充足！Check In響5樓，同一層就係酒店餐廳，住客幫襯仲有折！地理位置唔錯，在西營盤和上環站之間，附近有7-11，惠康，熟食市場同蓮香居！搭電車可以去好多地方玩！食嘢可以行返上去皇后大道，近上環個邊都好多野食！以海景酒店來講，價位絕對性價比高！宜必思香港中上環酒店上環德輔道西28號 #性價比酒店

墨綠色的泰國榴槤

性價比高港島海景房🌊

地址－宜必思香港中上環酒店環境／設施－距離地鐵站都唔算好近要得10分鐘酒店房內設施都齊全但質素未係好好特色－好平既價錢就有海景睇 #性價比酒店人均價格－300 評分－🌕🌕🌕🌑🌑未必會再住🌚 成個package性價比好高有海景包mini bar 晚餐早餐先599 但係晚餐好一般同好細份早餐味首唔錯同大份啲但房入面有半張床對住鏡浴室好細同埋夜晚唔知點解keep住有聲

Momofoodie_

$700找既24小時海景staycation再包兩餐

#消費券攻略 #宜必思酒店 #性價比酒店消費劵既出現令我地可以去左一個滿足到幾個願望既staycation ☺️ package包左： mini bar、早餐、晚餐、24小時staycation 、海景房 mini bar好大方，4罐飲品加薯片，正晚餐有沙律、湯、飲品再加一個main course，整體嚟講不過不失，要求既3成熟佢都整到，有驚喜🫢 早餐我地揀左in room 食，不過大家都未瞓醒既狀態就無影到相喇. 海景房望唔到太多海景，可能我地遲check in，所以住唔到全海景既房，但樓層高都叫做開揚既！ overall嚟講，Ibis呢個package 真係跑贏大市架。 $350/一個人都唔使就滿足到幾個願望！當然用埋消費劵係唔使$啦☺️ 因為住足24小時，我地一大早去左西環果欄買靚生果，番到房再繼續瞓2幾點先慢慢check out，爽！

_TS***lb

$598海景房仲包兩餐同小食😍

宜必思中上環酒店地址：上環德輔道西28號入住時間：1500-1500 優點： 💕 超值價錢有海景之餘，仲包兩餐 💕 迷你吧包左4罐飲品同三包零食 💕 海景冇乜遮擋，景觀一流 💕 電視有好多野睇，可以睇波同其他外國電視台總結：今次去到上環住左600有找嘅宜必思酒店，佢個package都包幾多野，除左有海景房同包兩餐，仲有24小時入住同免費迷你吧😬 酒店位置都算方便，好多交通工具都直到，附近都有唔少餐廳🙆🏻‍♀️ check in都算快，職員都好詳細咁講解各樣野，仲比左兩張點餐紙我地，一張係早餐一張係晚餐。早餐可以揀堂食或者送餐，而晚餐我地去既時候就得自取🙈 間房就正常size，個海景幾廣闊🙆🏻‍♀️迷你吧包左兩罐茶兩罐汽水，仲有3包薯片，連買零食錢都慳返🤪 跟住就講下啲野食，早餐有幾款套餐可以揀，例如美式中式同歐陸式，份量都夠，味道都唔錯。至於晚餐方面就有5款選擇，我地就揀左牛扒同魚。餐湯係西蘭花湯，仲有兩杯野飲😂 總括嚟講呢間酒店性價比好高，推介大家去住🤪 #消費券攻略 #性價比酒店 #抵玩酒店 #必去staycation #星級作家5月驚喜

Hkroomopener

無敵超值海景cp高的staycation

地址－中上環環境／設施－無敵海景包早晚餐, 24小時住宿, 有幸給予corner room, cp值高,會再入住!! 特色－面對海景食兩餐,早餐更有專人送房人均價格－$300 評分－90/100##香港好去處 ##抵玩酒店

gracebird

平靚正！淨係呢個海景已值回票價

上環宜必思酒店位置於上環地鐵站行大約10分鐘，雖然房間不算大，但勝在整潔#本地遊乾淨。這次是平日幸運地被安排到高層房間，無敵海景真是百看不厭😊。上環人流較少到樓下走走感覺很寧靜舒適，附近也有很多餐廳食市地方，亦有超市食嘢或購物都好方便。環境／設施－健身室（已開放）酒店五樓餐廳人均價格－$200 評分－⭐️⭐️⭐️⭐️ 5粒為滿分

Abe Bee

抵玩Ritz Carlton同款L形海🌊🌊

宜必思香港中上環 Ibis Central & Sheung Wan Hotel @ibiscentralsheungwan 懶人包🐷: 🤩 超靚L形海景英文海景房首選 🤔 房間比較細廁所裝修簡陋話說之前政府嘅賞你住計劃我哋去咗其中一間酒店就係 Ibis 主要係貪佢加少少錢就可以過一晚又包嘢食如果平時價格城景房為$598 海景房為$704 所以我哋加咗204蚊upgrade去到海景房如果遲啲再有賞你住計劃非常推薦大家去 Package包括咗: 入住後24小時住宿 Le Bar 早餐及晚餐免費mini bar 總體評分: 3.5/5 酒店位置📍 地址: 上環德輔道西 28號上環站C出口步行七分鐘到達價錢💰: $ 704 (連稅) 房型: 海景房按金: $500 入住時間: 3點check in 3點check out (24 hrs) ✅ 面積: 183ft square 訂房方式: 官網防疫措施🦠: 探熱 + 健康申報表毋須check passport 🙅🏻‍♀️唔接收強制檢疫人士廁所設施🛁: ✅ 企缸, 三合一沖涼液, 牙膏, 牙刷, 風筒房間設施🛋️: free wifi, 電視, 樽裝水, 兩包薯片, 汽水水煲, 茶包咖啡, 拖鞋, 書枱, 衣櫃由於有$500政府賞你住計劃各大酒店都好full 我哋就偏向target番呢啲中低價位嘅酒店如果係城景房加98蚊就可以入住非常抵🤑 如果你哋有 budget 就加多少少錢升級做海景房我哋覺得非常之值得海景主要望住ICC 嗰邊唔係已經睇到厭嘅維港景😂 美中不足就係前面有兩座樓遮咗少少海景佢哋都幾近大家記得閂番窗簾🤫 但係整體嚟講都係非常之開揚至於房間方面採用木地板感覺比較乾淨😜 亦都比較簡潔冇乜其他設備所以即使得180呎亦都唔會覺得間房好細因為連張書枱都係非常之窄放一部電腦基本上已經冇位好彩對住一大片海景做嘢都比較好精神🤩 至於廁所嘅設計就比較簡陋😶 用了感覺比較殘舊但想算乾淨毛巾亦都唔係太厚實基本上酒店淨係提供牙膏牙刷😂 而其他衛生用品就可能要問酒店攞企缸亦都比較細但酒店整體房間都比較細所以都係預期之內至於晚餐嘅質素就好似普通平價西餐一樣牛扒都大大塊有肉味就唔好預期會好出色但絕對合格以上😜 擺盤方面可以做得更好而早餐就可以揀room service或者喺樓下餐廳食 menu就應該一樣所以我哋揀咗room service 對住呢一大片海食早餐打卡一流 🤩 優點💗: 🗻 景觀一流海景no. 1 🎉 住足24小時flexible check in check out 🛌🏻 房間簡約乾淨缺點🧟‍♂️: 🌃 如果佢個窗簾可以開多啲個景會再靚啲 🚿 整體房間面積偏細尤其廁所 🧼 使用三合一沖涼液酒店附近設施🗺 酒店樓下有得飲茶同有coffee shop 便利店都係一分鐘步程內 Remarks🔔: 由於海景房應該有分 L型海景房同普通海景房 book房嘅時候應該同酒店職員溝通下就可以book到我哋呢一款房評分: 性價比:🌕🌕🌕🌗🌑 房間設施:🌕🌕🌕🌑🌑 舒適:🌕🌕🌕🌖🌑 地理位置:🌕🌕🌕🌕🌑 整潔度:🌕🌕🌕🌖🌑 打卡able: 🤩🤩🤩🤩

openroom.easy

享受維港景色房內慢慢嘆早餐🥣

LE BAR (上環) 📍 上環德輔道西28號宜必思香港中上環酒店5樓雙人精選早餐有中式美式歐陸式數款早餐可選，我哋揀咗喺房間內享用，有專人送上，好準時，早餐所有嘢都熱辣辣。美式早餐🍴 煙肉：烘得好香脆，脆到好似一塊充滿咸香味嘅薯片咁，反而咁食無咁膩，配合埋炒蛋食又可以中和咸味。炒蛋：用上牛油🧈牛奶炒，食落牛油味好濃，蛋味突出，滑蛋無誤茄汁焗豆：正正常常貨色炸薯餅：兩塊細細地三角形薯餅，炸得好香脆又吾油，黃金色好吸引，細細塊又吾驚太飽雞肉腸仔：略嫌吾夠雞肉味，又吾夠咸，食落無咩味，不過有煎香過，誠意可加蕃茄：爆汁蕃茄，略略煎香鎖緊水份，咬落鮮甜爆汁，好味😋 多士配牛油🧈：絕無欺場，連多士都烘得好脆口，配上配送的士多啤梨果醬同牛油，一絕乳酪：雀巢藍莓味乳酪，有藍莓🫐顆粒肉，酸酸甜甜，整頓腸胃。中式早餐：香菇雞肉粥：粥煲得好綿密，充滿香菇雜菌味，適量蔥花薄脆花生🥜提升層次蒸蝦肉牛肉燒賣：普通質素，略嫌有點乾身，燒賣體積細，燒賣整體豬肉實在。豉油王炒麵：好夠鑊氣，洋蔥🧅，蔥花提香，豉油均勻地蘸上每一條麵條，夠曬重口味總結： Staycation package 包兩餐早餐質素不錯 #上環宜必思酒店🏨#包兩餐#staycation#24小時忘憂時光住宿計劃#lebar#roomservice#美式早餐#中式早餐🍽 #平價酒店

Sandra Fung

飽覽維港景色房內嘆熱辣辣晚餐

礙於政府限聚令，雙人晚餐套餐可在房內享用，五選一主菜，包晒餐湯/沙律、一款主菜同飲品🧃即叫即製，連碟都熱辣辣。😎仲可係指定時間內安排送上房慢慢嘆。餐湯：雜菌忌廉湯，熱辣辣，味道不錯，充滿雜菌香氣，唯菇菌打得吾夠碎，飲落比較多顆粒感，仲加埋忌廉吊味，飲落順滑。雜菜沙律🥗：沙律：新鮮沙律菜配蕃茄仔同粟米芯，仲有黑醋係面，夠曬味，新鮮爽脆。印式咖喱雞配絲苗白飯，擺盤有心思，碗碟子都係熱辣辣，好似消毒過咁❤️咖喱汁偏辣，好夠香，白飯比較乾身，用汁撈飯一流，可考慮用印度🇮🇳長米，雞件薯仔🥔份量多，唯雞肉吾算滑溜，薯仔🥔過冷河過得夠，食落表面會脆口。香煎肉眼牛扒配燒雜菜：肉眼牛扒香煎鎖肉汁，7成熟有點過熟，有點韌，表面焦香金黃，黑椒汁調教得香濃，蘸上汁醬，不錯吃。翠玉瓜輕輕烘焗，加上適量鹽同黑椒，翠玉瓜仲保持水份，處理得好。吾洗驚吾夠飽，仲有薯仔🥔伴碟，夠曬食。總結： Staycation package 包兩餐晚餐質素OK #上環宜必思酒店🏨#包兩餐#staycation#24小時忘憂時光住宿計劃#lebar#roomservice#香煎牛扒#紅咖哩 #平價酒店 #上環

Sandra Fung



發佈

聯絡我們

關於

其他服務

付款方式

我們的合作夥伴

【2024香港酒店】宜必思香港中上環酒店旅遊攻略（於9月更新）

好食又多款式既自助早餐

性價比高商務海景酒店

o(^▽^)o又可以late check啦～

✨生日🎂Staycation~ibis宜必思🏨

買一晚送一晚超抵住宜必思中上環酒店，一定要試！

房間乾淨 明亮 一般大小

1000內包mini bar ,晚餐套餐 同自助早餐 海景房

住足24小時 包早晚餐同零食迷你吧

住一晚送一晚 宜必思中上環酒店

超高性價比之酒店選擇 － 宜必思香港中上環酒店

$600一晚包早晚餐及mini bar

$600有一晚海景特色房，仲包自選早餐及晚餐，最驚喜係mini bar除非一般茶包同即沖咖啡外，仲有2罐汽水2罐無糖茶加3包卡樂B薯片，抵👍🏼👍🏼👍🏼 #staycation#抵玩酒店 #性價比酒店 #炎夏好去處#平價酒店

高質平民staycation

賞你住 $200 staycation 一泊兩食

不過不失的三星級酒店自助早餐😊

🤗估計係全香港最平有海景嘅酒店🤗

一宜再再宜三的staycation

又再一次入住中上環宜必思酒店,簡直百住不厭, 性價比高, 包早晚兩餐,平均每人$270, 更加有延遲退房到3pm, 晚餐可以外帶在房內進食, package包upgrade海景房, 不用收按金,check in 時間在15分鐘內完成, 令人有一住再住的意欲!

CP 值高到暈既 海景酒店

上環超值海景房$499包哂早晚餐🥣🥩

上環｜$599 入住海景房🤩

竟然～屋企冷氣機壞了～熱到爆炸～搞到幾日要住酒店～變咗staycation

6佰幾蚊上環區酒店

性價比高的海景酒店

性價比高港島海景房🌊

$700找既24小時海景staycation再包兩餐

$598海景房 仲包兩餐同小食😍

無敵超值海景cp高的staycation

地址－中上環 環境／設施－無敵海景包早晚餐, 24小時住宿, 有幸給予corner room, cp值高,會再入住!! 特色－ 面對海景食兩餐,早餐更有專人送房 人均價格－$300 評分－90/100##香港好去處 ##抵玩酒店

平靚正！淨係呢個海景已值回票價

抵玩Ritz Carlton同款L形海🌊🌊

享受維港景色 房內慢慢嘆早餐🥣

飽覽維港景色 房內嘆熱辣辣晚餐

熱門旅遊類別

熱門 Blog 網誌

熱門目的地

熱門目的地的推薦景點

熱門景點

熱門排行榜

聯絡我們

關於

其他服務

房間乾淨明亮一般大小

1000內包mini bar ,晚餐套餐同自助早餐海景房

住足24小時包早晚餐同零食迷你吧

住一晚送一晚宜必思中上環酒店

超高性價比之酒店選擇－宜必思香港中上環酒店

CP 值高到暈既海景酒店

$598海景房仲包兩餐同小食😍

地址－中上環環境／設施－無敵海景包早晚餐, 24小時住宿, 有幸給予corner room, cp值高,會再入住!! 特色－面對海景食兩餐,早餐更有專人送房人均價格－$300 評分－90/100##香港好去處 ##抵玩酒店

享受維港景色房內慢慢嘆早餐🥣

飽覽維港景色房內嘆熱辣辣晚餐