Trip Moments 推薦

東京 平 靚 正 酒店🥰 ICI 淺草橋酒店

東京 平 靚 正 酒店🥰 ICI 淺草橋酒店 地址： 日本，東京，台東區，台東區淺草橋1-2-26，111-0053 今次東京之旅總共住左5日 ICI 淺草橋酒店。 到步東京，係早上6點鐘，坐京成成田SkyAccess 一條線到達(大概50分鐘左右)。 到酒店可以寄存行李，無得早攞房。因為呢間酒店都真係好爆。 酒店設施： 酒店G/F有間小型Cafe，同埋洗衣房(洗衫＋乾衣只需要500yen) 所有消耗品e.g. 牙膏 牙刷 棉花棒 都係要Reception自己攞 毛巾 房間就有啦！如果想要多幾條就需要自己落去問Reception攞 房間設備： 第一次酒店係咁好，所有嘅插頭係萬用插，唔需要帶轉插器 但係風筒就真係弱到不得了，吹左成個鐘都唔乾 房間嘅熱水 冷氣 暖氣都好好，完全拍得住五星級酒店 房間大細算係咁，係床尾可以放到兩個喼，走廊都可以放到個 唔會阻路 房間衛生： 對於我呢啲潔癖人士黎講都ok 每日都會同reception 講full clean up，唔會額外收費 所有野都執得好整齊 但我哋嘅嘢 郁都無郁過 勁讚！！！ 交通： 呢間酒店交通真係超級方便 行兩分鐘左右就已經係JR站(淺草橋站)-(西出口)，仲要有埋LIFT 唔使擔心搬行李嘅問題 如果去東京近郊的話，可以去上野站轉其他新幹線，都只係10分鐘嘅車程(搭去秋葉原站轉線) 除左JR站之外，仲有都營淺草線 - 大概行5分鐘左右(A3出口)
去附近景點 - 淺草雷門 只需要2個站 酒店附店環境： 酒店隔離就有間AENO小型超級市場 酒店對面有間7-11 酒店後面街有間大型Lawson JR出口對面有間 FamilyMart 呢間酒店真係不得了 - 其實酒店附近仲有好多好多餐廳 居酒屋 拉麵 餃子店都有 唯一美中不足係無麥當勞🍔 性價比： 每日價錢：HKD$430/2ppl 真係超級抵 搵過好多地方都無咁抵 可能你會話唔係新宿 唔方便 但呢到落到街又有JR 又有地鐵 唔會成條街都係人 仲要搭地鐵唔使同人逼 (呢樣野真係好重要) #東京自由行 #東京酒店