從三山公園落黎,系門口坐公交車幾站到平洲市區食飯,老人家介紹呢家平洲老字號——海天大酒樓,系平洲賓館2樓,酒樓有2個宴會廳,一個細一個大,但系細台好少好少,最後系大廳角落搵個細台——檯布都未鋪,等擺設好先坐低。可能系老字號,附近茶樓唔多,所以呢間茶樓真系獨市生意——執台要等,開茶要等、開單要等,點菜要等,最後仲要漏左一個添。大廳開大壺茶,2蚊一位,普洱茶。可能見我地2個人,所以就俾一張點心單同一張特價時令菜單我地,大本菜譜都唔俾咯。茶市點心直落,小點6蚊到皇點18蚊,唔貴,落單1個菜3個點心,炒菜系電腦落單,點心繫逐條手寫紙仔落單,再俾廚房做,可能甘樣最後就漏左一個掛。