【2025 廣州美食懶人包】必食地道早茶＋老字號粵菜＋本地人推介食店合集！

白天鵝賓館位在歷史悠久且極具歐洲風格的沙面島上，作為廣州老字號五星級酒店，白天鵝賓館不僅住宿高級，早茶餐廳更被譽為本地人以及港人心中的經典之選。位處沙面南街，坐擁珠江江景，用餐環境優雅舒適，是不少旅客專程而來的「飲茶打卡」熱點。

📍地址：廣州市荔灣區沙面南街1號（Liwan District, Shamian）

Tips：早茶只供應至下午1點，建議提早到場。住客更可享有免排隊特權，建議可考慮入住一晚，輕鬆歎靚茶。

推薦菜式：

- 酥皮叉燒包｜外酥內香，甜鹹適中

- 松子炒飯｜粒粒分明、香氣撲鼻

- 豉油蒸鳳爪｜滑嫩入味，老火風味

- 天鵝酥｜外型精緻，甜而不膩

- 牛肉腸粉、蝦餃、鮑汁鳳爪、香煎蘿蔔糕、蛋散、牛仔骨……款款經典，樣樣有驚喜！

溫馨提示：熱門時段經常排長龍，不想等位建議預早安排，或入住酒店享受住客專屬待遇。

廣州地道老字號粵菜館，高性價比首選！

想食番餐地道粵菜又唔想荷包大出血？僑美食家（沙面總店）就係唔少廣州本地人都會回頭幫襯的老字號餐館。餐廳位於沙面南街，環境寬敞典雅，保留濃厚的廣州傳統風味，由白天鵝賓館步行約 2 分鐘即可到達，地理位置極之便利。
不論是旅客還是本地街坊，呢度都係享受地道風味與實惠價位的好選擇，特別適合想歎粵菜但預算有限的你。

📍地址：廣州市荔灣區沙面南街52號1樓（白天鵝賓館旁）

必食推介：

- 招牌烤乳鴿：外皮香脆、肉嫩多汁

- 黑叉燒：醬香濃郁，肥瘦適中，令人一試上癮

Tips：

- 人氣高企，建議平台提前取號排隊，可節省不少時間

- 除咗沙面總店，品牌亦於珠江新城設有分店，對住市中心的朋友更加方便

講到廣州地道啫啫煲美食，惠食佳．啫八絕對榜上有名。主打各式鑊氣十足的啫啫煲，香味撲鼻、滋味濃郁，連本地街坊都大讚夠地道，係夜晚覓食或想歎一餐熱辣辣的粵菜好選擇。

📍地址：廣州市海珠區濱江西路1號174號

推薦菜式：啫蠔烙、啫生腸、啫生菜、啫啫牛肉、姜汁雪糕

小貼士：人氣極高，暫不設訂位，經常大排長龍。建議提早到場取籌，或避開繁忙時段。

提到廣州燉湯推介，怎能錯過這間米芝蓮指南推薦的地道老字號——達揚原味燉品？自 1983 年開業以來，憑藉用料實在、味道濃郁清甜的各式燉品，深受本地街坊與遊客喜愛。

店內每日以三列高高疊起的蒸籠燉煮，每隔兩三小時便有新鮮熱辣的燉湯出爐，文明路幾乎無人不識，經常人龍不絕。其中人氣必點的椰子竹絲雞湯，湯頭鮮甜，雞肉嫩滑，完美保留椰子的清香與原汁原味。
除了燉湯，牛奶蜂蜜龜苓膏亦是招牌甜品，解膩又養生。

📍地址：廣州市越秀區文明路160號

特色：滋補不傷荷包，經濟實惠之選，非常適合旅途中補身暖胃。

講到廣州早茶推介，點可以唔提陶陶居？作為擁有超過百年歷史的老字號茶樓，陶陶居近年不斷升級品牌形象，太古匯分店更是集傳統味道與現代時尚於一身，無論環境或菜色都令人驚喜。

📍地址：廣州市天河區太古匯購物中心內

店鋪特色：太古匯係廣州最高級嘅地標級商場之一，地理位置極佳、交通方便，適合購物後順便歎番個靚茶。不過要留意，太古匯分店嘅定價會比其他分店略高，但勝在用餐體驗一流，值得一試。

推薦菜式：

- 菠蘿牛奶包：外脆內滑，香氣十足

- 鳳爪：入味又夠腍，港人至愛

- 冰鎮菠蘿咕嚕肉：酸甜清爽，夏日必點

- 乳鴿：皮脆肉嫩，滋味十足

- 鮮蝦紅米腸：口感爽滑，蝦肉飽滿

想試廣州地道火鍋，但又唔想太油膩？咁你一定要試試順德名菜代表——太艮堡毋米粥火鍋！其粥底火鍋技藝早於2011年被列為順德非物質文化遺產，亦曾登上 CCTV9《尋味順德》，更榮獲「中國火鍋50強」稱號，可見實力非凡。毋米粥特色在於：以粥水為鍋底，滑潤鮮甜，不見米粒卻滿是精華，食完無負擔，連老人小朋友都啱食。

正確打開方式：一鮮、二葷、三素、四粥

一鮮：越南海蜆、生猛基圍蝦落鍋即熟，鮮味滿分

二葷：秦川牛展、黑松露肉滑令整鍋香氣四溢

三素、四粥：蔬菜、豬雜吸滿粥香，最後飲返碗湯收尾，滋味又暖胃

📍地址：廣州市天河區海文路20號（獵德地鐵站附近）

不少香港人對翠園都唔陌生，但你又知唔知，廣州的翠園菜式與香港版本其實有所不同？位於太古匯的翠園分店，裝潢高雅、服務細緻，菜品設計更具創意與地道融合，非常值得一試。

📍地址：廣州市天河區太古匯購物中心內

TIPS：相比香港分店，廣州翠園在菜式搭配、調味、賣相上都有所創新，適合鍾意探索新風味的你。

推薦菜式：

- 北京片皮鴨：鴨皮香脆、配料豐富，現場即片，儀式感十足

- 混醬腸粉：結合甜醬、麻醬、醬油等多種口味，層次豐富

- 乾炒牛河：鑊氣十足，牛肉嫩滑，米粉唔易斷

- 杏仁豆腐：香滑清爽，作為飯後甜品一流

想帶啲輕便又高質感的小食返香港？咁就唔可以錯過鮑師傅 Bao Shi Fu啦！呢間來自北京嘅網紅手信甜點品牌，近年成功進軍廣州，酥鬆小貝系列更成為港人北上搶購熱選。

📍地址：廣州市天河區天河路240號（石牌橋地鐵 B 出口，太古匯對面）

TIPS：熱門時段可能需要排隊，建議平日或上午時段前往較為順暢。

推薦口味：

- 海苔酥鬆小貝：鹹甜交織、酥香入口即溶

- 鱈魚小貝：魚香清爽、口感輕盈

- 蟹黃酥鬆小貝：鹹香濃郁、層次豐富，最適合送禮或自己歎

廣州美食世界豐富多元，無論係經典早茶、老字號粵菜定係特色火鍋，都值得你花時間慢慢品味。希望今次嘅【2025廣州美食懶人包】幫到你喺行程上作好準備，唔使煩惱邊間好食、邊度方便。記住提早安排時間，避開排隊高峰，盡情享受地道味道同悠閒氛圍！下一次去廣州，唔好錯過呢啲深受本地人喜愛、口碑爆棚嘅必食餐廳，絕對令你食得開心又滿足。