📍曼谷。石龍軍路 Charoen Krung Rd。街頭小食。

第一次住石龍軍路呢邊, 即BTS SaphanTaksin附近, 雖則餐廳行街既地方無Asok果邊咁多, 但有少少舊時代香港既感覺, 而且都幾多小食, 朝朝都會落去行下買下地道小食。 ::: Tarn Thong Coconut Custard::: 行過見到整緊, 好似砵仔糕既物體, 但又分兩層, 一層係糕點一層係椰漿, 幾得意咁! 7B一個, 40B有6個一盒, 見佢即整唔係放左好耐果D, 就要左1盒6個, 之後先知原來好似香港蛋撻咁有出爐時間架! 如果鍾意椰子味既就一定要試下, 下層既糕有少少似年糕既質感, 香得黎唔係好甜，係香港食唔到既味道! ::: Sor Boonprakob Panich 芒果糯米飯::: 酒店行前少少既街角發現到Sor Boonprakob Panich, 第一眼係好多泰式糕點, 好彩色好靚, 再行埋d睇, 原來仲有今次行程仲未食既芒果糯米飯, 買左兩盒, 仲要係即切即整暖暖地, 等既時間仲見到有香港媒體既報導, 先知道原來係over 100年歷史既老字號，但唔好意思唔太記得幾錢, 但一定係平過Mae果間, 呢間既糯米飯比較多, 芒果都幾大舊! 都幾好食, 但糯米飯就硬左些少。 ::: ราชาขนมโตเกียวเพชร King Tokyo Diamond Sweets::: 呢間響酒店對面, 超細既店面, 但又係見佢即叫即整, 又有呀妹鍾意既吉士就少少黎試下, 吉士好食, 肉既就普通, 但如果鍾意食呢類薄脆可以平平地試下過下口癮丫! 因為係泰文名，終於搵到FB先睇到原來好多分店～ 因為係街頭小食店, 唔知會唔會隔一排轉地點, 一切以店家資料為準喔!! #泰國 #曼谷 #2022二刷曼谷 #saphantaksin #石龍軍路 #sorboonprakobpanich #mangostickyrice #tarnthongcoconutcustard #coconutcustard #泰國景點