📍曼谷美食。After You Dessert Cafe @ Silom Complex。

作為After You 既Fans，當然要帶屋企人去試吓，自從響IconSiam太多人要等位食唔到，之後一日我就開口埋口都話「仲未食冰」「要去食冰」等等，講到媽咪話刨冰有咩咁特別，竟然我會咁堅持扭曬計都一定要去咁。但我係解釋唔到，真係食過先知😆 為免重覆等唔到位，我搵下邊間睇落多啲位，Google一輪後，Grab去唔太遠既Silom Complex，睇圖個店面都幾大，而且未去過呢個商場就去行下啦！Yeah～戰略成功，有位～ 4個人可以試多幾款，除咗我至愛既芒果糯米飯味，仲叫左泰式奶茶味同焙茶味，雖然我食過，但無特別講內有乾坤，等佢哋自己去發掘😆，芒果糯米飯入面當然有芒果同糯米飯啦，泰式奶茶味裡面就係涼粉，而焙茶味入面就有類似珍珠，好在佢哋都覺得好正，幾得意咁喎！ 除咗冰，After You 既 Toast 都出名，咁岩X’mas有期間限定Kit Kat 就試吓，好味既但就甜左啲，好在有Vanilla 雪糕中和番，我自己再叫左個牛角包窩夫試下，都好正呀！ 刨冰 - Normal Size 285 Baht, Baby Size 205 Baht Kit Kat Toast - 275 baht After You @ 1/F Silom Complex Opening Daily 10:30 – 21:30 #泰國 #曼谷 #2022二刷曼谷 #afteryoudessertcafe #mangostickyricekakigori #bangkok #silomcomplex #泰國景點