波爾多Indigo 酒店

地址～18 Parvis des Chartrons 20 Quais des Chartrons, Bordeaux 波爾多Chatrons 區唔係好多住宿，尤其是連鎖品牌。呢間波爾多中心夏特龍英迪格酒店(Hotel Indigo Bordeaux Centre Chartrons)係正古典文青街Rue de Notre Dame 附近一幢商業中心內，行幾分鐘有輕軌。8月份時仍有試業，未 Grand Opening！前身係法國Accor集團旗下既 Mecure。 無大型 lobby 只有個counter，但我接觸過既員工都好 nice既，幫到手。所有員工都係由前集團過渡，因為唔同品牌KPI 唔同，所以住宿過程中有D小問題出現........ 但我無不滿因為員工非常虛心聽意見。 房間大概300呎左右，淋浴同廁所分開，成個房都好整潔。但設備都有D古老，但裝飾品都盡量做到最好，想搞得文藝少少。床超級好瞓，梳化亦好好坐。可以開窗但間房有D西斜，景觀盡覽歐洲屋頂。 最唔滿意係走廊佈局，好似宿舍或平價hostel，轉完又轉，D感應燈係你行過左先識着。