東京｜揉合夢幻與刺激嘅國度 （六）

基本上所有樂園都有排隊嘅問題 DisneySea亦不例外 前幾篇都有提及過 熱門嘅設施排隊時間高達2-3個鐘 究竟點樣可以喺有限嘅時間裏面玩到想玩嘅設施呢？ 以下係一啲小攻略: 以往無疫情嘅時候 部分熱門設施都會有得拎fastpass 但依家就變成抽SP同購買DPA嘅形式 以下會講吓詳細嘅做法: 1️⃣Standby Pass (SP) Standby Pass唔需要收費 只需要喺Tokyo Disney Resort個APP裏面 揀Standby Pass個制就可以抽取 SP有分遊樂設施、舖頭、餐廳三款 一入園就可以每款抽一次 抽到可以喺指定時間去該設施入場排隊 （1）每款可以隔60分鐘抽一次 （2）但如果成功抽到 就要隔120分鐘先可以抽下一次 ⚠️注意： 人潮唔多就未必會有SP抽 好似我去嗰日係平日就無得抽 需要正正經經咁去排隊 2️⃣Disney Premium Access (DPA) 一種付費形式嘅fastpass 有別於Universal Studio嘅bundle形式 收費係單個設施咁計算 每次價格承惠2000yen（以22年11月匯率約hkd110） 睇吓你願唔願意用110蚊換取2個鐘嘅排隊時間喇 個人認為Sea嘅遊戲數量未去到玩到時間好緊迫 就咁排隊都可以玩到所有熱門嘅ride 當然唔想排隊嘅係可以用金錢換取時間啦 以上就係我喺迪士尼海洋排隊嘅小心得 每個人去樂園都有唔同目的 有啲會想慢活唔玩ride去感受下樂園嘅氛圍 有啲會想停落嚟欣賞下每棟建築佈景嘅細節 有啲會想瘋狂同鍾意嘅人物影相買嘢打卡 有啲會想慢慢食吓嘢睇吓show睇吓parade咁 而上面嘅攻略都係針對啲遊樂設施導向嘅玩家 希望擁有唔同目的嘅你都會喺樂園搵到自己嘅樂趣！ 📍Tokyo DisneySea 東京迪士尼海洋 🗺️1-13 Maihama, Urayasu, Chiba 279-8511, Japan #日本 #東京 #東京迪士尼海洋 #樂園