千葉縣—DisneySea 東京迪士尼 海洋

來到東京第二日，就去左東京迪士尼玩 聽聞海洋既遊戲比起陸地更刺激，所以就選擇到Sea （當日忿怒雙神係無開放既） 以下幾款遊戲絕對推介！ ✨Tower of terror 依個遊戲既內容絕對要賣關子 係唔知咩黎既情況下玩係絕對有驚喜！ 下午排隊嘅人比較多，建議夜晚嘅時候去玩。 ✨Journey to the center of the earth 遊戲夠刺激，不過就太快完，感覺唔夠喉添。 所以當日玩咗兩次，下午玩咗一次，夜晚玩咗一次。 睇到既景色都唔一樣，真係值得玩兩次 ✨Fantastic flight 依個遊戲係2019年開始營運，係成個DisneySea排得最耐既遊戲 無論係下午，定係夜晚都一樣人流咁多 可以一覽世界各地名勝，睇完個個拍曬手掌，嘆為觀止！ 呢種技術真係好值得去玩一次😀 午餐既時候求其搵咗一間餐廳嚟食， 似乎每間餐廳都係要提早用Apps預約嘅 第一次walk in失敗，好彩即時預約到。 嘢食都叫做唔錯，但係覺得最fresh就係杯嘢飲，好飲得黎可以解渴 Sea啲遊戲偏刺激，園內亦都有啤酒賣，比較適合大人來。 而令我覺得最開心就係睇到夜晚嘅煙花， 成個迪士尼海洋都係歐陸風情嘅建築， 係呢個地方睇嘅煙花真係璀璨美麗。 唔鍾意睇煙花巡遊既遊客可以趁呢個時間繼續排隊玩遊戲 夜晚玩遊戲嘅人越來越少。 見到有新嘅設施仲起緊，如果冇估錯應該係海盜船 可以期待一下新嘅遊戲！ 📍日本千葉縣浦安市舞濱1番地1. 交通：東京JR京葉線舞濱站南出口，出站即達到 票價：11000～16500日圓(成人) #東京 #報名酒店試睡員