西武秩父駅前温泉 – 祭之湯♨️

到秩父旅遊的話，如果不是自駕遊🚘，晚上真的沒有甚麼消遣，所以最好的節目就係去秩父駅前祭之湯浸下温泉♨️；温泉館開放時間到晚上9點，商店及food court🍜則6點左右就會閂，但係温泉館內仍有餐廳，所以晚餐都不用擔心；入場時會俾一個電子感應手帶，記錄左你選擇既Plan，如淨入浴費、附浴衣、附毛巾等plan，由於我第一次嚟，咩都唔識，所以就全包好了，費用係1500日元，如果自備毛巾同埋唔需要換浴衣的話，只付入浴費就只需要1000日元，任你浸的😍 樓高兩層既温泉館♨️，下面係餐廳，上面係付費按摩館同埋休室區，再入就係男湯、女湯，女湯有室內同室外之分，室內温泉有兩大個，分別唔同味道唔同功效既泉；室外就十分正，因為正值櫻花季，有棵滿開既櫻花，而且入黑後天上好多星星🌟🌟，真係可以一路浸，一路有櫻花🌸飄落，而且可以數下滿天星星🌌，真係超級舒服；講番室外温泉♨️，相對多選擇，除左兩個唔同温度既大池外，仲有兩個木涌可以每次浸一人既唔同功效温泉水，仲有一個由石製既床，浸住温泉水，可以俾人好放鬆咁訓响度，真係好舒服架~ 浸完之後就可以用手帶去買牛奶飲🥛，有唔同既口味，試左士多啤梨味🍓，好飲既，而且可以响休息區度坐上獨立帶電視既梳化休息，真係可以响度待上半晚呢~ 🤩 地址－ 西武秩父駅旁🚉 環境／設施－ 室內外温泉♨️ 人均價格－💲1000-1500日元 (不含餐飲及按摩) 評分－4.5/5🌟 #境外遊 #日本 #東京 #秩父 #西武秩父 #温泉 #櫻花