玩轉越南胡志明巿6日5夜～超平體驗 Spa 射擊 Karting 自駕沙灘越野車ATV 刺激好玩！

呢次越南胡志明巿之旅好多嘢玩！估唔到有咁多不同體驗👍：最緊要係價錢平服務都唔錯～不過原來越南食嘢都唔係我哋想像中咁抵，除非你食街邊嘢（小心肚痛）。嘢飲方面，所有嘢都“自來冰”，凍飲完全唔會加錢，反而走冰份量會少咗🤣 🏠酒店Au Lac Legend Hotel正常，細細座都有長形jacuzzi有gym, 成間酒店嘅冷氣超夠勁。所有房間仲包每日係rooftop嘆住冷氣望住風景嘅下午茶：有好多時令生果，西式茶點，冰茶咖啡之類，幾多嘢食☕位置喺district 3，去附近景點都好方便，包括市政廳/戰爭博物館大教堂/樂天商場/郵局, 全部都係5-15分鐘腳程。 活動方面，好多都係k字app搵到： 1️⃣射擊🔫@Saigon Sniper bb彈差唔多size嘅鐵/鋼彈。有一個鐘60發hk$53同半個鐘10發hk$11揀。其實半個鐘都已經射到手軟，有分數牌可以自己帶走做紀念。室冷氣唔夠好熱下，但係有小賣部買嘢飲。 2️⃣美奈一天遊🚗其實就係跟local tour安排咗中巴接送去美奈（即係沙灘）。一程要坐三個鐘即係來回六個鐘，去一個仙女溪（似小峽谷嘅天然景象），同紅沙白沙丘遊覽及睇日落。另可自費去駕駛沙灘四驅車（強烈推薦自己揸，會有個司機跟住帶路吾怕吾安全：大概hkd三舊水揸半個鐘ATV但係超好玩，好值得）。兩個沙灘啲沙真係好幼，睇日落係浪漫嘅。 3️⃣SPA💆@Noir Spa距離酒店七分鐘路程，勁方便。有個大木桶用草藥泡身再按摩非常之梳，但係當然唔可以同大陸嘅技師比較力度啦。按完仲有啲椰汁甜品同香茅茶畀你飲，環境非常舒適。 4️⃣Karting卡丁🏎️@大南公園（搭grab都要一粒鐘, 比較遠）呢個簡直係成個旅程嘅總中之重。係一個真嘅賽道高速飛馳，同喺深圳就算以低價錢但係超細嘅賽道玩，完全吾同feel。加上我哋好好彩被安排到有國際賽事嗰日去玩，仲有認識左卡丁車老闆以及未來方程式賽車嘅選手！佢哋都好好人，同佢地/戰車任影！睇到同聽到卡丁車最高時速喺你眼前飛過真係好爽！啲教練又同我哋傾計又帶我哋去控制台影相，冇得輸！ #境外遊 #越南 #胡志明巿 #karting #spa推薦 #muine #美奈 #越南自由行 #sniper #射槍 #射擊 #ATV越野車