鏡粉必到嘅中環樓上店

🎏 港島吃貨系列— Good Boy✨ 鏡粉必到嘅中環樓上店🤭 #90cp中環篇 #90cpcafe篇 ➖➖➖➖➖ 有一日收工收遲咗 結果決定喺中環解決晚餐😣 咁啱之前有朋友去過食呢一間GoodBoy嘅午市 都話唔錯🤔 見佢都幾靚仔就諗住去試吓 點知一上到去不得了 店主勁熱情咁狂play mirror 搞到我完全食唔到飯🤣😍 美味指數 😋: ⭐️⭐️⭐️⭐️ 環境指數 🏖: ⭐️⭐️⭐️⭐️ 服務態度 👨🏼‍🍳: ⭐️⭐️⭐️⭐️⭐️ 翻兜指數 💫: ⭐️⭐️⭐️ (五粒星為滿分💯) ✨ Nz草飼牛肉眼扒 $269 + $69 轉set(跟雪糕&飲品) 煮得啱啱好 肉質都算林🤤 重點係佢整都唔算太油 再加上有啲沙律🥗中和吓 整體感覺都唔錯🙌🏻 ✨ Good Boy日本鹿兒島黑毛和牛漢堡 $239 + $69 轉set(跟雪糕&飲品) 呢個漢堡包反而更加亮眼🤩 一嚟到已經見佢啲餡料爆曬出嚟 豐富到不得了🥳 中間嗰塊漢堡扒都非常juicy 而且都好鬆軟 加埋蕃茄同生菜呢個經典配搭真係冇得輸😏 口感都好豐富 個人覺得呢個比起個扒更加搶眼😌 ✨ 法國特大雞中翼 6隻 $99 老細係一個非常重品質嘅人 一啲都唔馬虎😤 點解咁講呢因為本身個扒係有薯條跟嘅 但佢過唔到自己嗰關所以放棄咗🤣 結果就整咗呢個雞翼俾我哋食!! 認真講唔好睇佢個樣咁普通 佢同平時食落嘅雞翼都真係有啲唔同🤤 肉質比平時嘅更加嫩 而且好結實 追問之下先知原來佢食材係貴嘢嚟🤭 佢用咗法國嘅雞翼 而且係先煎香嗰邊再焗 所以佢嘅肉質係非常之滑!! 呢個絕對係全晚驚喜位之一🙌🏻 💰Total: $830-960 for two ppl ✅ 呢度嘅老細係超級熱情🔥 非常好人之外仲對嘢食有種執着 呢點都好加分😆 另外店入邊其實都有唔少位可以打卡 最重要係老細勁鍾意loop mirror playlist🤣 仲有得俾你唱k 如果你係鏡粉真係可以邊食邊唱🎤😏 💡溫馨提示💡 聽老細講都幾多人慕名而來 晏晝嘅時候會特登嚟一路聽歌一路食飯😂 所以如果想晏晝嚟嘅話都可能要book book 位😂 ➖➖➖➖➖ 📍 Good Boy Restaurant (中環) 中環威靈頓街112-114號新威大廈2樓201室 #mirror #鏡粉 #cafe#假裝在歐洲#親子好去處#foodie#浪漫約會餐廳#這家酒吧有點cool