萬麗海景酒店睇戏一流

萬麗海景酒店staycation.(上) 終於過咗暑假，輪到我去staycation啦，之前驚人太多，所以一直忍到9月🤣果然，少人好多，check in都唔洗排隊👍🏻 酒店服務好好，所有人都好有禮貌，面帶笑容，有咩問題都會盡力協助，由check in到check out都好滿意。 酒店環境都好乾淨好舒服，大堂、餐廳、平台、房間，每一個地方都keep得好好。 酒店房間唔算好大，不過勝在個海景真係好正好舒服，成個維港睇晒，好靚🥰雙床房嘅床都唔細，一定夠瞓，不過枕頭唔係好啱我，呢樣野冇辦法滿足每一個人，所以我預咗。廁所同浴室都乾淨企理，位置夠寬，不過廁所門冇得上鎖，而且唔係趟門，出入嘅時候有啲阻埞。房間電視好大，睇戲一流。 book任何一間酒店之前，大家最好問清楚泳池點安排，因為間間都唔同，呢間算好好，每間房可以去兩次，每次2個鐘，已經俾好多酒店好好多，不過泳池唔算大，但係hea吓已經好開心，一時游吓，一時瞓係張凳度曬吓太陽，再叫杯cocktail，好正，當自己去咗旅行㗎啦😆😆 另外，樓下有個小朋友玩嘅小賽車，聽職員講有個親子套餐包埋玩，好似假期先有，平日冇，有小朋友嘅朋友可以留意下。 #抵玩酒店 #香港好去處