錦田慢活好地方

最近同Natalie去錦田，行完紅磚屋市集之後，後去咗一個好有趣嘅地方叫做 #比比書屋。 比比樹屋隱藏在大片農田入面，跟住Google map，我哋從江大路行入去，穿過咗幾個農場，感覺都好悠閒好舒服。走嘅時候，我哋行關帝廟嗰邊走，原來近西鐵站好多！ 講返呢個地方，佢係一間書店、書屋，好多書任你睇、任你買，書屋入面有好多空間，可以俾你舒舒服服咁閱讀。呢度仲可以以書換菜，用書本換取比比書屋附近農莊種嘅菜。 書屋外面有大片植物，花花草草，就係親親大自然嘅感覺；另外仲有兩隻羊咩咩，同埋幾隻貓。 除咗睇書，呢度可以品茶。店主或者店入面嘅義工會泡茶同埋提供一啲小食，唔收費，一邊飲茶一邊傾吓計，好溫馨、好有人情味。 喺而家節奏咁快嘅社會，好難得搵到一個可以漫活、放鬆嘅地方，大家星期五六不妨去行吓感受吓。 #親子好去處