超靚超夢幻超繽紛🌈萬花筒主題西餐廳

漫花燈火OMG (土瓜灣) 土瓜灣九龍城道68號瑧尚U PLACE2樓201號舖 呢間餐廳叫萬花燈火OMG，其實佢之前已經喺網上睇咗無數個post，知道呢度係萬花筒主題，入面有一幅彩虹牆壁，其實有晒心理準備，都預備好係要來瘋狂打卡。但係當我哋嚟到推開大門，走入如此夢幻嘅萬花筒世界 ，都真係不禁大叫OMG！因為實在太靚 🥰 因為我哋係6pm第一對客人嚟到，店員都非常友善，咁叫我哋盡情影張相先，不論係一入門口嘅萬花筒鏡面隧道，水吧天花嘅彩色水晶球裝置，卡位嘅彩色牆壁配搭七彩咕臣梳化位，都真係比想像中更靚更繽紛！ 影完一輪相，開始揀嘢食。店員耐心咁向我哋介紹餐廳嘅signature美食，我哋揀選左以下幾款： 1. 西班牙伊比利亞辣肉腸白酒忌廉煮藍青口配牛油多 士 藍青口算幾大隻，好香酒味同埋個忌廉汁都好濃味，青口上面有啲西班牙嘅辣肉腸就偏鹹左啲，細細塊嘅牛油多士好索汁，加埋一齊好好食，我哋仲唔捨得啲汁到再加$18要多一份5片小多士。 2. 三文魚籽鮮魷魚海膽汁墨魚意大利粉 店員強調呢一個意粉好好食，不過就要不停抹嘴，果然佢嘅墨魚真係非常濃厚，就咁食個意粉已經好好食，意粉有嚼感，加埋有鹹味鮮味嘅三文魚子，成件事好夾。 3. 慢煮比利時杜洛克橄欖豬鞍伴脆甜番薯條 呢個豬鞍份量十足，好厚身，因為慢煮，所以切開中間係粉嫩嘅，調味偏重胡椒味，番薯條香甜可口，我覺得呢個性價比幾高。 最後嘅甜品，為咗同朋友慶祝生日打卡而叫嘅，配上金色嘅錘仔俾你幫我開個糖膠，我成件事都係靚嘅，不過味道就麻麻哋啦。 總括而言，我覺得呢一度唔單只係偉打卡，其實佢啲食物質素都唔錯，加上整個環境服務都好適合約會，或者係慶祝特別節日。 #foodie #hkfoodie #打卡好去處 #打卡餐廳