生日包場好去處😋有驚喜的私房菜

呢間私房菜位於沙田石門，離石門站約8分鐘路程。 獨立房間，有唱K設備🎤 啱晒一班朋友想聚下嘅好地方 價錢由$498-$815，多款菜單任你選 今次我哋選擇咗個$3988/6人餐 🦆脆皮燒鵝 味道正常，欣賞佢皮脆肉嫩。但略嫌有少少唔夠熱 🦞上湯龍蝦香煎米粉底 龍蝦非常足料，而煎米粉厚度亦好適中。配上掛汁的上湯味道很好👍🏻 🐚海鹽生煎南非鮑魚 鮑魚唔會煎到過火，咬落去爽口彈牙 🐷冰鎮脆皮咕嚕肉 個炸粉漿做得非常好👍🏻超脆，一咬落去滿滿肉汁流出嚟～勁正！！✨必食 🦪金沙美國生蠔 脆炸嘅生蠔再被咸蛋黃包圍住🤤好正啊 🍄松茸菇花膠雞湯 足料滋補靚湯，最緊要夠晒熱辣辣♨️ 🥬瑤柱花菇扒翡翠 花菇爽口，同埋好欣賞佢個芡汁唔會太咸太燶味。呢個菜完全係幫大家refresh  🦐櫻花蝦蟹肉炒飯 炒飯夠乾身，粒粒分明👍🏻而且每一啖都有滿滿嘅櫻花蝦，超香口 🍵冰糖燉桃膠 (唔記得影😆） 味道唔會太甜，桃膠亦都有處理得好乾淨。 「鮨味居私房菜」 📍 鮨味居 (沙田) 沙田安平街6號新貿中心B座7樓6室 #香港美食 #沙田美食 #私房菜 #生日好去處