✨蘭桂坊精緻意日fusion菜✨

餐廳位於蘭桂芳，主廚有十多年意大利餐廳嘅經驗，今次將意大利菜式同日本Omakase融為一體，每一道菜式都好注重細節，擺碟精緻，每碟都好似一件藝術品，賞心悅目。 💡9 Course Omakase Tasting Menu $1580/1 ✨Amuse Bouche 左邊嘅薄脆上面有青豆同蠶豆，醬汁味道酸酸地帶點川椒味道嘅麻味。另一邊芥末脆片加上煙燻味道嘅鱔魚，兩款前菜味道同樣濃厚 ✨Hamachi, Blood Orange, Sicilian Lemon 日本油甘魚刺身，配上血橙同佛手柑啫喱，配搭新穎，味道酸酸甜甜，好清新！面頭更有意大利魚子醬點綴 ✨Red Prawn, Gazpacho 西西里紅蝦，蝦肉鮮甜十足，肉質爽口彈牙，上面仲有片薄脆，中間嘅凍湯係由西瓜、蕃茄同紅波椒製成，誠意十足 ✨Hokkaido Scallop, Daikon, Oyster Leaf 北海道帶子配白蘿蔔，帶子伴上手指青檸同oyster leaf，泡泡味道係關東煮嘅鰹魚味，好特別同好精緻 ✨Langoustine, Caviar, zucchini 紐西蘭海蜇蝦，肉質鮮甜彈牙，淋上香檳汁帶點酸味，好清新好特別！ ✨Sea Urchin, Cauliflower, Potato, Yuzu 賣相非常特別嘅水晶麵包，係由葛粉製成，口感脆卜卜好似食緊脆片咁，配搭北海道海膽，入口即溶，旁邊配搭柚子珠珠，為味蕾帶來衝擊。 ✨Blue Lobster, Bisque, Seaweed 法國藍龍蝦肉質爽口彈牙，味道鮮甜，配上香甜嘅baby蒜，上枱後再淋上由蝦肉製成嘅醬汁，味道濃厚 ✨Wagyu, Pumpkin, Mushroom A5和牛肉質非常軟嫩，入口即化，伴上紅酒汁，旁邊南瓜蓉口感棉密，味道清甜，可以幫助解膩 ✨Panna Cotta, Black Sesame 意式奶凍黑芝麻味道極濃郁，口感順滑，上面配搭raspberry foam，酸酸甜甜非常好味，為今餐作結 🍴IO Italian Omakase 📍中環德己立街21號The Plaza 2樓 #駐站作家 #美食 #foodie #本地遊 #hkfoodie #hkfoodblogger #中環美食 #蘭桂坊