週末媽媽move 🚗尋味泰北菜

前陣子，因為阿媽身體抱恙，好返之後想提升體能，所以係週末嘅時候盡量抽時間同佢周圍去行下，當然最好有埋好嘢食啦！所以順便開咗呢個「週末媽媽move 」title，將會不定期上映😜今個星期我哋繼續揀啲輕鬆行嘅路線，一朝早我去到元朗站行去南生圍，慢慢行一圈就去搵食啦！ 網上見主打泰北菜嘅 #尚泰太 評分幾高。泰北菜比起其他泰國菜無咁辣，走清新、健康嘅風味，而且比較多嘅菜式偏向酸甜。行到身水身汗見到佢杯雪山咁高嘅沙冰非常吸睛！我哋去到已經兩點多，舖頭依然好多人，差啲冇位𠻹😮 🍹珍多冰 諗住平平無奇唔會特別提，阿媽話呢度嘅珍多冰夠傳統，終於飲得返佢後生時候嘅味道😳 🍧士多啤梨沙冰 又渴又熱嘅我，見到士多啤梨沙冰嘅時候，哇.....咗一聲！成座雪山咁高，仲見到有一粒粒嘅士多啤梨籽呢！甜度剛剛好，真心推薦要試！ 🐷秘製南瓜肉片炒蛋 上菜嘅時候非常有鑊氣！而且南瓜處理得軟淋嫩滑，唔會一夾就散，仲好甜𠻹！雞蛋、豬肉和南瓜唔同火喉嘅食物一齊炒都控制得宜。呢味菜完全體現泰北菜嘅清新風味。 🦐泰式蝦炒金邊粉 略帶酸甜，非常開胃啱天氣熱嘅時候食。但要注意啊份量哦！都～幾～大～份！ 🦐皮蛋蝦餅 唔係成日見到嘅炸皮蛋蝦餅，一場嚟到要試下！蝦膠平均地覆蓋皮蛋，爽口彈牙，完美地炸到金黃色，再配埋泰式辣醬，酸甜辣甘香要爆啦🤤 重點要讚侍應細心服務，我飲唔切杯雪山沙冰，開始溶到成枱濕曬，侍應姐姐即刻拎隻碟放喺我杯沙冰下面接住啲水🤗而且係寵物友善餐廳，下次我哋可以帶埋狗狗一齊嚟食❤️ #大牧羊仔仔出走日記 #週末媽媽move