精緻粵菜✨仙氣滿滿的冰鎮鮑魚

朋友係要見嘅，幾個月冇見梗係去食中菜啦～今日就試下好友大讚嘅「大公館」，由紅色大門而入，裝潢古色古香，好古典～ 好友一早安排咗菜式，menu都係門口紅色大門，detail位做得好好⋯ 🌺清香柚子凍鮑魚 $74/件 -IGable仙氣滿滿，食到鮑魚爽口彈牙，既食到鮮味又食到酸甜柚子味，好特別配搭，好醒胃 🌺話梅鐵棍准山 $78 -鮮准山粒好爽口，配上話梅汁，酸味味，令胃口大開 🌺蜜汁金錢雞 $76/件 用竹籤串上，一層肥膏一層瘦一層雞肝，底層刨餅，中式三文治，雞肝好潤，外脆酥軟，配蜜汁甜味 🌺家鄉生拆魚茸羹 $236 奶白色魚湯，啖啖魚茸羹，鮮甜美味爽口，非常足料 🌺三色藜麥金沙蝦球 $86/件 粒粒蝦球被鹹蛋黃包裹着，上面鋪滿藜麥，口感脆上加脆，卜卜 🌺大公館秘制稻草肉 $156/件 繩扎住玻璃肉（稻草肉），配上fruity味濃嘅Muscat Bailey A，既有果香又有vanilla 味，入口即溶，伴碟有杏脯、蘆筍、栗子，食完超幸福 🌺豆漿杞子鮮黑腐竹浸時蔬 $148 第一次食黑腐竹，黑腐竹配上豆漿及津白，高蛋白又高纖維，非常鮮甜，熱碟上有心思 🌺海鮮濃湯泡飯 $156/位 天氣熱最啱食泡飯，有蝦仁、魚、香菇等，有海鮮嘅鮮味亦有鹹味，配上脆米，口感層次豐富 🌺清心柚子糕 $32/件 一層啫喱一層柚子肉，陣陣柚子清香 🌺金箔懷舊芝麻卷 $32/件 懷舊菲林卷，煙煙韌韌又帶點芝麻味 Overall 嚟講人均$600，勝價比高，細節位做得好，服務夠細心！每樣菜式都精緻，啱晒靜靜地相聚，好友話肉菜都相當唔錯，下次同mazi嚟食先～大家中意食精緻又好味嘅中菜，不妨一試～ 如果大家中意俾個like支持下🤟🏽 𝗖𝗶𝗮𝗼 🌺大公館 (荔枝角) 🌺荔枝角長義街9號D2 Place 1期10樓A號舖 #foodie #香港好去處 #炎夏好去處 #夏日搵食推介 #hkfoodie #香港美食 #hkfood #travel #駐站作家 #hkfoodblogger #美食 #我好掛住