銅鑼灣豐盛打邊爐

銅鑼灣又多一間性價比高嘅任食邊爐啦😋😋 SRF美國極黑和牛片套餐，可以食120mins～絕對夠時間慢慢嘆👍🏼 🥘湯底-清甜椰子雞鍋 椰子🐥雞鍋有大量嘅🥥椰子片和椰子肉，係加熱嘅過程中淡淡椰子清香撲鼻😚無論煮肉定煮菜都可以突出食材本身嘅味道！ 自助餐區 自助餐區選擇眾多～前菜、蔬菜、各種丸類、響鈴、炸魚皮、台灣腸、麵類、醬料、甜品等當中蔬菜類我最推介嘅係生菜同萵筍，丸類最有驚喜係咖喱魚蛋，入面真係有流心咖喱醬！甜品必吃haagen daz,仲有四款口味添，分別係抹茶、士多啤梨、曲奇同埋焦糖脆餅~ 🐮肉類 推介SRF美國極黑和牛片& 美國安格斯牛板腱～牛味濃郁👍🏼 🦐海鮮& 火鍋配料 包括帆立貝、鮮甜海蝦、鮮甜沙白、脆鯇魚片、爽脆墨魚、海蔘、竹笙釀蝦滑、美顏花膠、台北鴨血、鮮雞子、田雞腿等～當中最特別係竹笙釀蝦滑，冇乜見過其他地方有得食😳 小食類 叫咗爆漿糍粑外面香脆，入邊有爆漿嘅紅糖漿～十分滋味！ 🫖飲品 有數款酒精飲品選擇，無糖茶選擇眾多，連珍珠奶茶都有😳我哋就揀咗佢地自家製嘅無糖茶，洛神花茶同豆漿。洛神花茶帶微酸，可以解解膩👍🏼豆漿豆味👌🏼 —————————————————— 餐廳資料： 牛站(駅)麻辣火鍋放題 (銅鑼灣) 銅鑼灣駱克道463-483號銅鑼灣廣場二期11樓 #報名5月酒店試睡員