日夜都靚嘅維港打卡位 鬧市忙裡偷閒好地方

由金鐘港鐵站出發只需要步行五分鐘，穿過俗稱“門常開”嘅政府總部底下，就可以去到鄰近海旁嘅添馬公園啦！估唔到嚟鬧市咁近，都有一個咁大嘅綠色空間同埋可以睇到維港靚景嘅好地方！ 只要一經過政府總部嘅底下就已經開始慢慢見到五光十色嘅維港景色，一陣又一陣嘅海風飄過嘅面龐令到我感到十分舒暢。 設施： 呢個公園有一個好大嘅草皮，好適合一家大細，喺假日嘅時候野餐又好，舒展筋骨都好都係一個好嘅選擇。就算係附近嘅打工仔，都好鐘意食飯時間嚟依度行個圈，呼吸新鮮空氣！ 喺公園嘅海邊，有好多個高度不一觀景台，令到遊客可以係一個臨近海邊嘅地方，用唔同角度觀賞維港繽紛嘅夜景！ 特色： 呢個公園亦好動物有善㗎，遊客可以帶埋愛犬愛貓一齊喺海邊散步。 隔離嘅海傍仲可以踩單車添，真係名副其實嘅動靜皆宜！ 建議遊覽時間：0.5小時至1小時。 交通：港鐵金鐘站A或E2出口可直達，亦有多條巴士路線途徑政府總部，金鐘站，太古廣場及力寶中心。乘搭電車應在金鐘港鐵站下車。亦可沿海傍漫步至中環摩天輪及金紫荊廣場。 無障礙通行：此場所為無障礙場所。 特別注意：鄰近正進行立法會擴建工程，遊人應注意交通及重型車輛。 #金鐘 #添馬公園 #維港 #夜晚散步好去處 #香港夜景 #政府總部