特色豆花撈米線 🍜 @ 秋拾米線

秋拾米線 (新蒲崗) 新蒲崗康強街34號康強洋樓A座地下8號舖 新蒲崗新開嘅米線舖，見到網上已經開始好多介紹，有久違嘅豆花撈米線，我記得好幾年前都有食過，係估唔到豆花撈埋落米線都食係零違和感，呢一放工就一於過嚟新蒲崗試試佢。 小店位於新蒲崗Mikiki附近，都算容易搵。大概下午兩點左右，都有小人龍喺門口。店內環境不大，座位亦都有啲迫夾，用QR code落單，除咗撈米線之外，仲有秘製豬骨湯或者酸辣湯米線，而小食方面都好吸引，我哋就揀咗豬頸肉同蝦多士。 - 豆花撈通心米線，配豬軟骨，小辣 🐷 加一蚊轉左通心米線，比一般米線粗身少少，通心可以沾到更多醬汁，撈埋啲炸醬，10分惹味，不過豆花撈埋一齊之後，可能因為出水，食到咁上下又會淡味咗，不過整體口感係好食嘅 - 魚腐米線，加配肥牛，墨魚春卷，炸醬 🍜 湯米線相對上冇乜太特別，漁腐軟綿綿有魚味，墨魚春卷彈牙，肥牛份量都ok - 蝦多士 🍤 到時平時食開嘅有啲分別，唔係用蝦膠，係原隻蝦見到嘅，好香口 - 豬頸肉 🐷 係咁多樣嘢最出色嘅，炸得好香脆，唔會好乾身，而且調味都好出色 整體我覺得都可以一試嘅，如果鍾意重口味嘅話，可能就要是酸辣湯底，因為豬骨湯就算加咗炸醬，都比較清淡。 #萬聖節2023 #新蒲崗美食 #秋拾米線