城寨風味📍九龍城廣場

以前住廣播道成日都會嚟呢度 搬左入天水圍後就無點再嚟 今日舊地重遊變左好多 見呢排無點食中菜 裝修又幾霸氣一於試試 選擇困難既我最鍾意叫餐😂 2人世界龍蝦餐$698加左$100轉澳洲龍蝦 餐廳好貼心已經分好一份份 一人一碟唔使不嚟不去 湯：翅就間唔時食，所以揀金湯濃情燕窩羹 飲落好似南瓜湯甜甜地，好多燕窩每一羹都有 🦞蒜蓉開邊蒸澳洲龍蝦～底有粉絲 龍蝦好厚肉由頭到尾都係肉，鮮甜係基本 蒜蓉撈粉絲～絕對係最佳拍檔 拔絲咕嚕肉～係我最想試，因為咕嚕肉係我最愛之一 夾起真係拉絲，外皮十分脆口，啖啖肉～正呀！ 配料有紫洋蔥、鳳梨、青椒、紅椒 櫻花蝦蒸菜心～海量櫻花蝦，菜心爽脆兼無渣啱晒我口味 🐟香煎海斑扒配兩棵西蘭花～海斑果然係扒，厚肉皮好煙un，滿滿骨膠原🤤食完有少少黏口 座位有卡位或圓枱，環境舒適唔擠迫，水滾茶靚，店員親切有禮～下次可以帶埋屋企人嚟幫襯