🌟餐廳：聚來車仔麵

🌟餐廳：聚來車仔麵 📍地址：深水埗基隆街172號地舖 💰價位：$50～$100 ⏰營業時間：星期二至日 11:00 - 21:00 📱電話：23918033 車仔麵一向我最鍾意嘅食物之一，食物種類繁多，湯底及麵底又可以按自己喜好選擇，再試多幾款唔同嘅餸菜，夠晒豐富！ 今日就嚟到深水埗呢一間聚來車仔麵，主打價錢親民車仔麵，仲有各款特色小食及套餐，總有一款啱心水～ ——————————————————— 🔹自選4餸車仔麵 呢款4餸車仔麵我就揀咗公仔麵底，配搭腩汁及豬骨雞湯，夠晒滋味！ 餸菜揀左午餐肉、牛丸、豬紅及椰菜餃，每一款份量都夠晒豐富，特別鍾意豬紅及椰菜餃，豬紅份量十足，口感嫩滑；椰菜餃油餐廳由自家包製，餡料豐富，咬落層次感十足！ ——————————————————— 🔹自選3餸車仔麵 朋友仔就揀左貢丸、魚腐及墨魚丸3餸車仔麵，麵底就揀咗飽肚又彈牙嘅番薯粉！ 蕃薯粉口感滑順且質感Q彈，而墨魚丸及貢丸夠晒出色，兩款丸類大大粒，咬落夠哂彈牙多汁，值得一試！ ——————————————————— 🔹柚子蜜雞翼 雞翼又係呢度另一水準之作！雞翼大大隻，先炸至脆卜卜，上層再加入微微酸甜既柚子蜜，食落份外惹味！ ——————————————————— 🔹生菜魚肉 為食嘅我哋決定叫埋呢個生菜魚肉，咁先夠晒滿足！ 一大碗份量豐富，魚肉彈牙，鮮味十足，配爽脆嘅生菜，再淋上濃湯，口感豐富！ ——————————————————— 👅整體小總結 餐廳定價價錢親民，車仔麵及餸菜選擇夠晒多元化，而且仲有多款自家包製嘅餃子，性價比十足！