串揚專門店🥢每次都有驚喜

心血來潮想食日本嘢 大角咀就有間吉勝吉列串揚專門店 都係我喺大角咀內嘅日本菜餐廳首選🇯🇵雖然呢度只係一間小店 但係食物種類選擇超出你想像 每次嚟都食到唔同嘅嘢㗎😌呢度嘅木系裝修亦充滿日本風 好似去居酒屋咁 ꕥ 特上刺身拼盤五品 全部都好新鮮🤤三文魚同油甘魚都好厚切而且夠肥美 魚油充足🐟赤海蝦肉質爽嫩🦐帆立貝都好厚身 勁鮮甜 八爪魚好質感彈牙 嫩中帶脆🐙 ꕥ 岩手縣真蠔雪解 店內嘅小黑板推介 新鮮日本直送🇯🇵飽滿肥美 質感細膩 入口creamy 帶清新海水味🌊 ꕥ 十本串揚拼盤 海鮮/肉/蔬菜都有🍡肉類我至鍾意煙燻豚肉 充滿鹹香又軟嫩 原來做串揚係出乎意料咁夾👍🏻豚肉韭菜卷口感豐富 仲好多汁💦極黑豬柳肉質最好 有彈性🐷和牛肋肉本身擔心會韌 不過處理得都好好 一樣好嫩 牛味濃郁🐂蓮藕都係我大推嘅 超爽口啊✨另外仲有紫蘇雞肉/日本茄子/蓮藕/秋葵/大蝦同鵪鶉蛋🥚 呢度嘅串揚無乜油膩感 而且炸粉都好薄 所以食得多都唔覺得膩 ꕥ 芝麻雞翼 香脆又惹味🐓雞翼愛好者必點 ꕥ 滑蛋吉列日本黑豚肉丼飯 金黃色嘅賣相好吸引🤩豚肉外層酥脆 而滑蛋濕潤滑溜 加上醎甜兼備嘅醬汁 口感同味道層次都好豐富🥢