奧運站抵食又高質星州蟹二人套餐

心郁郁想食星洲蟹，第一時間就諗起呢間樂天經典。佢哋嘅二人套餐B ($668)，有齊前菜小吃、星洲蟹、熱炒、粉麵飯、甜品同飲料，每款都有唔同嘅菜式可以揀，非常抵食。 黃金魚皮 酥脆魚皮淋上滿滿嘅香濃鹹蛋黃金沙，食落仲係脆卜卜，夠哂邪惡。 辣椒螃蟹(伴炸刀切小饅頭) 蟹都有4款做法可以揀，我哋今次就揀咗辣椒螃蟹。蟹嘅size適中，兩個人分啱啱好，師傅仲將隻蟹疊到好似火山咁，非常有心思。蟹用咗甜辣醬汁去炮製，非常之惹味，蟹肉鮮甜。將d蟹膏同醬汁用炸到金黃香脆嘅小饅頭夾住食真係超正。 脆脆咕嚕肉 小炒就叫咗咕嚕肉，咕嚕肉外邊脆口，肉質腍身，而且冇骨，件件都啖啖肉。 蝦味魚子蝦球炒飯 炒飯粒粒分明，軟硬適中。加入咗魚子、蝦醬同蝦球去炒，鮮味十足。 招牌酸柑香茅凍 甜品嘅香茅凍都幾有特色，食落冰涼清爽，香茅嘅清香慢慢喺口入面散發出嚟。 檸檬薏米水 飲品就叫咗檸檬薏米水，味道酸酸甜甜，清新又解膩。 。 。 樂天經典 (奧海城2期) (大角咀) 大角咀海庭道18號奧海城2期UG樓UG09號舖 。 。#foodphotography #美食指南 #trip #放鬆 #美食之旅 #like #couple #香港好去處 #香港打卡 #香港美食 #手機食先 #日本 #吃貨 #相機食先 #美食 #食 #食好西 #香港 #香港美食 #香港探店 #香港必食 #香港餐廳 #香港旅遊 #旅遊 #必食 #bookatable #香港好去處 #抵食 #openrice #hkfoodie #hkfoodblog #hkfood