豆乳狂人😍樂富廣場店

自從上次試咗豆乳狂人，就愛上嗰種極濃厚嘅豆乳，今次發現樂富廣場都有舖頭，好近我，梗係要去試吓啲唔同嘅嘢，款式太多，有排都試唔晒🤣 呢間舖仲有得堂食，而且店面好闊落，好乾淨，好舒服。可以坐低慢慢嘆。 煙韌之選，$45 一聽個名就知一定有好多好有嚼勁嘅配料，呢款係三色芋圓下面嘅選擇，有珍珠、小丸子同埋豆乳布丁，滿滿一兜，真係勁足料，面頭仲加咗我最愛嘅奶蓋😍大滿足。 焙茶珍珠小丸子，$42 呢款係豆乳加茶，有抹茶、焙茶、烏龍茶同紅茶，好多選擇，我就揀咗焙茶，茶味好香好濃，甜度雖然冇得揀，不過啱啱好，唔洗擔心會好甜，珍珠控就啱啦，好多珍珠同丸子，可以慢慢嘆😌 仙草豆乳，$28 我推薦朋友飲特濃豆乳系列，佢揀咗仙草豆乳，同我第一次飲嘅時候表情一樣：嘩，好濃呀，仲濃過牛奶，好滿足。 狂人粢飯，$32 唔知狂人係咩意思，不過攞上手好重一個，好似我咁狂嘅人都食唔晒🤣入面有瘋狂多肉鬆同榨菜，仲有香脆嘅油炸鬼，咬落香脆煙韌。 舖頭仲有好多嘢想試，下次再去。#foodie #樂富廣場 #樂富美食 #豆乳狂人 #珍珠 #芋圓