清幽舒適隱世餐廳

今日去咗利東街行, 周圍都有好多特色小店, 經過隔離街見到 ❥⧽𝐌𝐚𝐧𝐬𝐨𝐧𝐬 𝐋𝐨𝐭 ❥⧽個環境氣氛幾好, 就入去食飯喇。餐廳座位好舒服, 枱與枱之間有足夠距離, 有個窗邊位好吸引, 不過嚟到已經有人坐咗喇, 唯有下次先。餐廳提供好多嘢食選擇, 由 All day breakfast 到 Omelette 同 Crepe 都有, 另外仲有咖啡豆調配手工啤, 都幾特別。 𓊈Beer Battered Fish & Chips𓊉 一見到已經心心眼, 魚柳好鮮嫩, 炸得好酥脆軟滑, d 薯條亦都係新鮮油炸所以好香脆, 值得一提係個沙律醬好好味。 𓊈Parma Ham Risotto with artichoke & tomato𓊉 未試過食 Risotto 配 Parma Ham 所以就好想試吓, 一入口芝士味超濃, 除咗 Parma Ham 同蕃茄仔乾, 仲有翠玉瓜粒粒同黃瓜粒粒, 配埋一齊幾特別。 𓊈House Floral Ice Tea𓊉 杯茶有淡淡嘅茉莉花香味, 有塊新鮮香橙, 配埋一齊好清新, 唔會太甜。 𓊈Matcha Latte𓊉 抹茶味超級濃厚, 反而比較少奶味, 抹茶控可以考慮呀。 ✧✧ 整體食物都好食呀, 環境好清幽舒適, 係值得去嘅餐廳。 ❥⧽𝐌𝐚𝐧𝐬𝐨𝐧𝐬 𝐋𝐨𝐭 ❥⧽ 地址: 灣仔汕頭街1-3號地下