八古Baku 實試西貢新開張七千尺按摩Spa & Cafe

地址－西貢白沙灣白沙灣中心G1-2號 環境／設施－7 / 10 特色－ 水療按摩 + Cafe + 水煙 人均價格－ $800-$1200 評分－ 8.0 / 10 八古Baku 試業前我就已經被IG廣告種草, 今次我哋訂咗新開張七折試「Spa Tour 遊之水療」和「排毒排濕淋巴按摩」。 Spa Tour 有圓型浴池浸下同打卡，用嘅係夢幻泡泡球，網站上寫有柚子浴/蜜桃/櫻花/牛奶薰衣草，但俾我揀就有多過呢四種。專人拎俾我哋，服務好好，之後我見有唔舒服都即時俾一個獨立地方我坐。 之後按摩就係90分鐘，我係熱石香薰+珍珠磨沙，泰國姐姐好鍾意笑😆按按下有時見隔離嗰位忍唔到痛會笑；男友揀淋巴按摩但因為男女有別關係，姨姨佢話變番香薰推油🤣（可能如果女士揀呢項會按胸、大腿根部？） 按完因為我見少少暈（前日中過暑唔知關唔關事），喺佢哋水煙吧度食埋package包嘅tea，揀咗招牌咖啡同「雲朵」Cake同忌廉牛角酥。然後突發上面咖啡機壞咗，無得飲🥲 變咗果汁呢.. 但野食水準很好！臨走上去又有花茶飲🥹 最後就係佢哋嘅超級賣點：可以Chill嘅大天台，完全忘記了要上去🤦‍♂️(不過今天有下雨) 旁邊就是The Pier 酒店和白沙灣往三星街渡碼頭，keep 住人頭湧湧。 端午節正日，據說按摩師傅講非常多人，有不足之處例如廁所男女共用，多人用便略欠乾淨。而新開期間，即使預訂時我們問了可否用Tap & Go，得到可以的答覆，但事前一天打電話確認預訂時原來還未有卡機可用。 P.S. 走的時候，完全叫不到車，公共交通從西貢碼頭出來全都滿載。假日入去，小巴站也是極長的隊伍。 #baku #八古 #圓形浴缸 #西貢白沙灣水療 #按摩 #全身珍珠磨沙 #雲朵蛋糕 #新朵 #骨精mini #情侶打卡 #情侶好去處 #香港打卡熱點