✨吃貨推介😋4間西貢推介餐廳🍴

話說西貢其實係我經常會去嘅地方😌幾乎所有嘢都俾我食過晒 去西貢成日都淨係食細巷入邊既泰國嘢？食茶餐廳？又或者喺第二啲網站睇完去食覺得有啲伏？ 我真係試過😂😂😂所以好想整一篇西貢自私推介餐廳🍴 1. Little Cove Espresso☕️ (圖2-6） 依間cafe應該好多人都熟悉，人氣應該算Number one！我覺得係實至名歸嘅！因為講真依間嘢我都已經食過起碼六次以上，真係堅好食！ 但係記得留意依一間餐廳八成都係要等位～所以記得早啲去，又或者下午茶時間先去同埋落雨都唔使排隊！我覺得必叫嘅係佢嘅咖啡☕️佢啲咖啡豆好香，好少會離遠都聞到好香咖啡味。溫馨提示我覺得唔好叫外賣咖啡☕️因為唔知點解佢外賣係比平時特別細杯🙂🙂 食左咁多次，我覺得必要嘅嘢食係 1.Pulled Pork Benedict 佢係勁似手撕雞不過變咗豬🤣再加埋有隻蛋！中式得來又好西式，堅大推！ 2.Frence Toast 出奇地好食！佢整得好香然後啲蜜糖match埋勁正！記得要趁熱食 同埋睇相好似好甜咁食落去冇乜罪惡感😂 另外有一樣嘢唔係好推薦🫣就係Smoothie Bowls 上一次我叫咗Cacao Paradise，本身以為同出邊食嗰啲一樣佢係會有奇亞子，點知係冇嘅😂😂而且冇味同埋隻色好似好奇怪😂😂😂食咗一半冇食 2. St.Barts （圖7-13） 我諗九成九嘅人都冇去過或者都唔知有一間咁嘅餐廳😌因為間餐廳唔係位於西貢市中心！佢喺大埔仔村附近（科大果邊）既傲瀧豪宅入面。我建議揸車入去方便啲～或者其實搭巴士小巴都可以喺隔籬落車！當日去到間餐廳覺得好似去咗旅行咁😂因為啲侍應八成都係外國人!而且周圍環境都幾外國同埋幾多外國人去食😆 當日我叫咗兩個lunch set（$150）～一個係慢煮牛扒一個係魚 我想講啲薯仔好好食😂😂同埋個主菜都好新鮮！不過個甜品佢同我講話係朱古力蛋糕但係點知嚟到係紅色😂應該係紅絲絨…我覺得麻麻 同埋佢地方都幾大有室內同室外！我覺得穩世餐廳佢應該算係第一名！ 3. 泰道 （圖14-19） 我諗依間餐廳都唔陌生，不過應該好少人去過因為見地圖好似好遠咁？其實都唔算好遠！總之望住西貢碼頭然後向左邊一直向前行去BBQ任食場同WM hotel果邊就已經係😎 不過記得行過去嘅時候小心地下好多沙🤣因為嗰邊有個好細嘅沙灘 依間餐廳我覺得適合一家大細同埋成班人去！因為佢係望海景～同埋個場都幾大有室內同室外！主要係食泰國嘢 但係如果你話想食好正宗嘅佢又唔算，但係呢個價錢可以望埋海景都可以值得一試😉個人推薦冬陰功湯，生蝦，串燒，同埋佢啲沙冰！個沙冰出奇意料地唔算好甜！佢個青咖喱都唔錯！不過題外話係如果坐出邊會有蚊咬你😂😂😂可能要帶支蚊怕水 4. 小滿定律 （圖20） 依間細舖頭係喺市中心嘅！主打係食乳酪雪糕或者嘢飲～佢個價錢唔算好平但係真係好好食！極力推介佢個海鹽焦糖脆脆同埋綠茶糯米糍一定要試😉其他配料就性價比冇咁高 我覺得出海玩完或者去完行山都可以買返一杯嚟食下😋 🌟🌟🌟🌟🌟 地址 1.Little Cove Espreso (西貢) 西貢西貢海旁廣場兆日樓地下1-2號舖 2.St. Barts (西貢) 西貢清水灣道663號傲瀧零售大樓地下1號舖 3.泰道 (西貢) 西貢大網仔路沙下村9號地舖 4.小滿定律 (西貢) 西貢福民路58號高富樓地下3號舖 ❤️想繼續睇我更多分享嘅話，可以follow我，或者follow我Instagram👉🏻 kkkatkkk❤️ #本地遊 #西貢 #西貢好去處 #打卡 #cafe #coffeeshop #foodie #hkfoodie #穩世