食物出色，服務更出色👏🏻

B’hood (尖沙咀) 尖沙咀麼地道75號南洋中心地下32-35號舖 餐廳有戶外位置同室內位置，餐廳成個氣氛同感覺都好舒服，設計色調都好柔和，職員勁有禮貌同服務好好，會好貼心親切介紹有咩招牌菜 食物性價比好高，唔貴得黎又好好食，值得一黎 芝士泡菜海鮮蛋餅 $108 蛋餅份量好足，入面有薯仔，泡菜，魷魚，蜆肉，蝦仁同青口等等，勁多海鮮配料，一刀切落去仲有會啲啲蛋汁爆發出黎，勁有食慾，味道第一啖會食到泡菜既清爽，跟住會咬到海鮮既鮮甜味，海鮮份量勁足，幾乎每一啖都會食到唔同既海鮮品種，蛋餅既厚度亦控制得好好，蛋香味十足，就咁食成個味道都好有層次，如果想再味道豐富啲仲可以配搭埋茄汁豆，酸青瓜，酸辣海鮮汁同紫蘿蔔一齊食，味道同口感都更出色，必叫之選 紐西蘭肉眼扒•芥末籽汁 $158 肉眼扒叫左5成，食落肉質非常嫩滑多汁，一路咬一路散發出佢既牛香，仲有佢既靈魂醬汁-芥末籽汁，味道好豐富，食到有種好清甜既果香，配埋優質軟稔既牛扒食，勁加分，配菜都唔馬虎，蔬菜全部都係經過特別既烹調，食落爽脆香口，我唔係食菜愛好者都食左好多，好好好味 海鮮龍蝦汁意大利扁麵 $128 龍蝦汁鮮味濃郁，一上枱就香味撲鼻，意粉煮得彈牙有咬口，條條意粉都掛滿龍蝦汁既鮮味，勁入味，海鮮有有大大隻既青口，肉身肥美鮮香，咬落口食到出好鮮味，仲有大蝦仁，彈牙爽口勁新鮮，仲有大量魷魚同好多蜆肉，材料份量好足 #尖沙咀美食 #尖東美食 #尖沙咀 #尖東 #西班牙蛋餅 #香港西餐 #西餐 #蛋餅 #hkfood #酒吧 #牛扒 #海鮮 #香港美食 #香港美食指南