淼屋--日本料理

#本地遊 #foodie #夏日搵食推介 #日本菜 #上環美食 #hkfoodie 中上環呢間日式居酒屋都幾有特色，好適合收工約朋友飲酒食飯吹水，1800至2000時段仲有啤酒買一送一，好抵。想飲特別啲嘅仲有好多手工啤選擇，不過就冇買一送一啦。 火焰雪山甲羅燒，$168 見好多人去都會點呢個甲羅燒，去到當然要試吓，職員攞到枱面會點火，好啱打卡，不過要快🤣上面嘅蛋白有少少酒精味，下面係滿滿嘅蟹肉，撈埋幾塊餅乾食都唔錯。 磯燒味醂魚乾，$88 鍾意食雞泡魚乾嘅我，每次飲酒都會點一份送酒，好味😋 酥碎炸白蝦，$98 原來白蝦係細細隻嘅，好得意，炸到脆脆哋，成隻擺落口，送酒一流。 清酒煮蜆，$98 清酒味好重，蜆隻隻都飽滿，煮得好入味，最正係下面有火一直熱住，唔錯。 日式炸豆腐，$48 呢個炸豆腐好好味，外層香脆內層嫩滑，下面加咗芝麻醬，好夾。 餐廳有兩層，仲有室外嘅位，收工去飲吓酒，食吓野，都幾舒服。