紮實飽滿飯糰

朋友今日帶我食好西，旺角有間人氣台式飯糰店，可外賣不可堂食。店內有棵櫻花樹 + 搖搖櫈嘅打卡位。呢到嘅飯糰係即叫即整，落單後大約要等 5 - 10分鐘就攞得 紫糯米飯糰包得紮實飽滿，熱辣辣嘅紫糯米口感軟綿綿。睇完Menu 就揀咗呢款 [ 熊本烤腸飯糰 $36 ] 內餡包括有台灣烤腸，咬落肥瘦均勻，充滿油香、肉鬆、脆卜卜油條、生菜等等餡料，食落層次分明，口感豐富 另一款就係值得推薦嘅 [ 芙蓉鹹蛋飯糰 $33 ] 切開一半就會見到大大粒金黃色嘅鹹蛋黃，內餡包括有勁香嘅芙蓉鹹蛋、肉鬆、菜圃、生菜、脆卜卜油條同沙律醬，份量十足，夠哂足料，食落夠哂惹味 飲品就揀咗兩杯，呢杯係 [ 手作紅豆奶茶 $26 ] 香滑奶茶，味道唔甜剛好，低層有粒粒紅豆，口感軟淋淋。另一杯係 [ 椰果四季春 $22 ] 茶味香濃，而且椰果份量多，口感煙韌有咬口，係夏日嘅消暑飲品 阿杏飯團 旺角彌敦道585號富時中心地下3號舖 #阿杏飯團 #axing #鮮果茶 #飯糰 #糯米飯 #台式 #台式飯糰 #台灣味道 #香港美食 #相機食先 #旺角美食 #旺角 #旺角店 #打卡位 #外賣 #takeaway #hkfood