久仰大名牛大人，台灣特色正到暈

餐廳：牛大人台灣火鍋吃到飽 (旺角) 地址：旺角彌敦道628號瓊華中心9樓 由2019年第一間店開到依家，呢間由台灣師傅主理、主打台灣特色湯底同食材嘅牛大人 @masterbeef.hk 一直都咁受歡迎👏，無懼疫情，佢哋呢3年先後開咗8間分店，都咪話唔犀利👍。我今次都喺第一次食佢哋嘅火鍋，去咗旺角瓊華總店，要book 5pm先有位，晏多少少就開始大排長龍🙈 揀咗佢哋最豪華嘅澳洲極上和牛套餐，7:30pm前離座每位$278加一，可以任飲任食120分鐘，一坐低就先揀湯底，全部都充滿台灣特色，出面好少見。我哋就揀咗阿嬷飬生濃湯鍋，湯底用咗大骨原湯加上大量蔬菜同養生藥膳材料去煮，鮮香味濃🍲 叫呢個套餐仲每位送2粒澳洲M9和牛牛丸，成粒都喺用澳洲M9級和牛整成，咬落爽彈多汁💦，和牛香幾出，果然與別不同😌 佢哋好多小食同材料都喺嚟自台灣，可以借呢個機會懷念吓去台灣旅行嘅滋味🥹，士林夜市嘅鹽酥雞、去台灣必食嘅滷肉飯、台灣鱸魚🐟、花蓮手工小雲吞、豐原排骨酥、糖醋甜𣎴辣、真豬小香腸、魚香皮蛋豆腐等，款式都幾多而且有啲都真喺未食過，絕對值得試多幾款😜 叫呢個餐一定唔可以唔試佢哋嘅澳洲和牛M5牛肩卷、安格斯牛小排同手切封門柳🐮。牛肩即喺牛嘅後頸，紅潤嘅肉色配上均勻嘅油花紋理，肉味雖然無牛小排咁濃郁，但勝在食落有咬口，充滿脂香🤤；安格斯牛小排喺牛前胸肋骨嘅肉，肉質軟嫩而且肉味喺咁多款牛肉入面最濃郁，一試難忘🥰 牛大人仲有啲期間限定嘅食物，包括北海道十勝豚同章魚珍珠漿，十勝豚望落油脂比較多🐷，不過爽口得嚟一啲都唔油膩，就算淥得耐肉質都唔會有嚡嘅感覺👍，入口豚肉味比一般豚肉突出；章魚珍珠漿有粒粒章魚肉🐙，口感同鮮味十足，其他漿例如澎湖花枝漿、手打旗魚漿等同樣值得食吓 飲品除咗有台灣茶一刻嘅飲品之外，仲有冬瓜茶、金桔椰果呢啲特飲，當然唔少得牛大人自家製茶飲，同埋同台灣酉鬼啤酒合作推出嘅撥雲霧見蓬萊仙島手工啤酒($68)🍻，呢款喺獲獎啤酒🏆，低苦度同酸酸甜甜嘅水果香成為最大特點，吸引咗唔少平時唔鍾意啤酒好苦嘅人士去選擇 食到90分鐘店員提醒last order，同時送上一張甜品紙，每人可以揀一款甜品，有Mövenpick瑞士朱古力雪糕同士多啤梨雪糕之外🍨，亦有期間限定嘅車厘子藍莓味Häagen-Dazs雪糕同台中仙草凍，仙草凍配埋花生🥜、椰果、紅豆同珍珠，以清爽唔膩嘅甜品作結真喺好滿足😚 #性價比酒店 #主題公園指南 #foodie #香港camping #本地遊 #境外遊 #7月影片徵集