海鮮即撈即劏即浜燒～漁獲浜燒

漁獲浜燒係一間我好鍾意嘅浜燒餐廳 🔥 對上一次來原來已經係6年前，Time Flies💘💘💘 漁獲浜燒嘅海鮮非常新鮮，店內特設魚缸放養活海鮮，例如：鰻魚、南非活鮑魚、本地花龍蝦等，即撈即劏即燒👍🏻店員介紹每日都有唔同嘅海產每日東京築地直送，好似我去嘅呢晚就有象拔蚌啦🥰 餐廳人氣十足，由於我哋太遲訂枱，所以平日都只能坐喺吧枱位置🥺如果坐喺餐枱，會有埋燒烤爐在旁，可以自己浜燒呢😛 🍶鈴鹿川($338／300ml) 呢排天氣咁熱，揀咗呢支冷飲嘅鈴鹿川純米大吟釀🍶酒精濃度唔算好高，飲落感覺清涼舒暢，配搭海鮮及較濃味嘅蟹甲羅燒都好match🤩 🔸漁獲浜燒盛合($888) 浜燒盛合有珍寶大蝦、松葉蟹腳、鮑魚x2、蠔x2、活帆立貝x2，全部都好新鮮，唔駛蘸醬汁，淨係食海鮮嘅原味已經鮮味十足 🤤 特別係燒蠔 🦪 超級肥美，燒完之後海水鮮味更加濃郁😙鮑魚都好大隻，浜燒前仲係活生生，絕對新鮮！鮑魚浜燒得軟腍紮實，正😊帆立貝可以揀唔同嘅做法，我揀咗清酒燒及芝士燒，芝士帆立貝輕易做到芝士拉絲效果，芝士嘅鹹香同帆立貝嘅鮮甜令味道更加惹味豐富，清酒則更加襯托出帆立貝本身嘅鮮味，兩款各有特色🫡 🔹味噌蟹甲羅燒($88) 蟹蓋放滿蟹膏，加入鵪春蛋液去燒，口感順滑，配搭香脆嘅多士，送酒一流🥪 🔸活象拔蚌刺身($488) 店員推介今日有日本新鮮到港嘅象拔蚌，超吸引[色]店員先俾我哋睇下象拔蚌嘅浜燒前嘅『最後一面』，好大隻呢😋刺身肉質爽脆鮮甜，蘸醬油及少許wasabi，有提鮮效果👍🏻 🔹蟹肉黃金海膽炒飯($198) 炒飯鋪上海膽及蔥花，份量好多，足足可以分到5碗飯🍚海膽色澤金黃，味道鮮甜，完全唔腥，如果炒飯乾身D就更好啦😆 ==== 漁獲浜燒 📍銅鑼灣軒尼詩道525號澳門逸園中心18樓 #foodie #夏日搵食推介 #本地遊