《親子活動～森林探索樂園 Jungle Kidventure》

《親子活動～森林探索樂園 Jungle Kidventure》 今日媽媽帶豬仔包去咗 Megabox 一間新開有7000呎嘅Playhouse玩，叫做森林探索樂園 Jungle Kidventure，平日去一大一細玩2個鐘都只係$160，相當抵玩😆 森林探索樂園 Jungle Kidventure 以森林做主題，場內有多項遊戲👉🏻 #沙丘探索 🪨、#勇闖黑森林 🕶、#眼明手快 👀🖐🏻、#野外垂釣 🎣、#春日野營 ⛺️、#叢林快車 🚗、#森林迷宮 🌴、#水果圈圈樂 🍉、#知識小學堂 🔍、#老虎仔鞦韆 🐯、#鬰金香轉轉杯 ☕️、#掟水果 🍎、#騎馬仔 🐴等等。 豬仔包最鍾意係森林迷宮 🌴同勇闖黑森林 🕶；媽媽覺得最特別係眼明手快 👀🖐🏻同知識小學堂 🔍 #森林迷宮 🌴係一個充氣嘅迷宮，裡面有食人花、仙人掌🌵、磨菇🍄等等，豬仔包玩得好投入，意為食人花真係會食佢，只敢慢慢在旁邊行過🤣🤣🤣不過玩咗兩次之後，就變成同媽媽玩「捉E因」，放哂媽媽啲電⚡️🤣 #勇闖黑森林 🕶模彷在夜晚叢林漆黑環境，響裡面大玩AR投影互動遊戲，平時playhouse都係同一個遊戲，但呢度有成35個遊戲咁多，豬仔包每次路過都係唔同遊戲，一見到唔同又衝入去💨💨💨，玩得仲多過充氣迷宮🤣🤣🤣 #眼明手快 👀🖐🏻玩法係蔬果或海綿棒貼在高空，會突然掉落，玩家要眼明手快接住，非常需要親子合作🙌🏻，亦相當緊張刺激🤩，不過媽媽同豬仔包一條都接唔到😅，睇嚟我哋真係要練習一下😆 #知識小學堂 🔍包括3️⃣個區域，可以用放大鏡🔍觀察貝殼🐚、樹輪🪵同種子🪹，真係冇諗過playhouse都可以增進知識，非常特別👍🏻。 媽媽覺得呢個playhouse比較適合細B，電動車🚗如果唔多人仲可以不斷排隊再玩，沒有額外收費，所以豬仔包玩到唔捨得走🤣 除咗玩樂設施，9月份逢星期五、六，有影樓 PopcornStudio 會幫客人免費拍攝📸凡購買1小時/2小時的家庭，憑當日正式收據加蓋印可獲一次免費拍攝家庭照，仲送贈一張電子檔案照片添😊 我哋影完相，臨走見到有部自助嘅整棉花糖機，價錢都係$30-$40，我哋㨂咗mini款都好大舊，豬仔包勁開心，急不及待已經想食😋 🌟雖然好好味，不過都幾甜，最好多人分享同埋食完記得飲水。 森林探索樂園 Jungle Kidventure🌳 📮地址：九龍灣Megabox 9樓23號鋪 #親子活動 #親子活動好去處 #假日好去處 #九龍灣好去處 #九龍灣 #megabox #森林探索樂園 #playhouse #放電 #全職媽媽 #4y #豬仔包の開心日常 #本地遊