對住維港美景食 Lunch Buffet

難得放假，今日就同爸爸去北角維港凱悅尚萃酒店食 Lunch Buffet，好彩之前已經book定位。呢到環境大又舒適，仲可以對住個維港美景食 Lunch Buffet，真係正到暈 美食都分佈係幾個唔同嘅區域，Lunch buffet 海鮮類唔多，有青口及蝦，另外仲有沙律菜、沙律醬，再隔離就係壽司刺身：希靈魚、吞拿魚、油甘魚、三文魚，鮮甜肥美、日式冷麵、幾款唔同壽司，每樣都食咗啲，好味道 有幾款唔同嘅雜菜沙律、三款芝士，最鍾意都係車打芝士，金黃外層有咬口，味道帶少少鹹。另外仲有醃製蔬果、酸瓜，食完夠哂開胃，另外仲有風乾火腿、意式肉腸、Salami、自家醃製煙三文魚 行入少少有個巴西及阿根廷嘅燒烤區，一串串烤到熱辣辣，烤菠蘿、羊肉串、巴西啤酒烤雞、西班牙香腸，每樣都好正；有中式料理，鹵水拼盤、燒味類，叉燒、豉油雞；粥粉麵飯，即時煮嘅粉麵，配料有魚蛋、蟹柳、魚片、蔬菜；印度咖哩、印度薄餅、印度醬料 飲品區：汽水、凍熱飲嘅檸檬茶、奶茶、咖啡 最後當然要食甜品櫃嘅蛋糕，就放咗好幾款又靚又精緻嘅蛋糕，每款都細細件，顏色好鮮豔，味道甜甜好味，仲有聖安度蛋糕、朱古力粒、唔同味嘅曲奇餅，仲有清爽又甜嘅水果。而甜品之中，最鍾意就係嗰個轉轉嘅雪糕櫃，真係超級吸引，有9款唔同款嘅 Gelato 雪糕，可以任食，所以我都忍唔住食咗好多球，仲可以落糖果、棉花糖、朱古力 Lunch Buffet 時間：12:00pm - 14:30pm 星期一至五 成人：$358；長者 / 小童：$238 星期六、日及公眾假期 成人：$478；長者 / 小童：$278 The Farmhouse 咖啡廳 北角北角邨里1號香港維港凱悅尚萃酒店西座2樓 #hyattcentrichongkong #維港凱悅尚萃酒店 #北角美食 #thefarmhouse #thefarmhouse咖啡廳 #咖啡廳 #酒店自助餐 #自助餐 #lunchbuffet